Ýkrainany jaýlap alý josparyn qoltyǵyna qysa barǵan Pýtin men Si Szinpiniń kezdesýi uzaqqa sozylǵan. Kreml kósemi kózdegen maqsatyna jetip, Qytaidyń «ruqsatyn» alyp qaitqan. Aqpannyń 4-i kúni ótken júzdesýde soǵystyń alǵysharty jasalǵan.
Sói degen Soros «Pýtin úshinshi dúniejúzilik soǵysty bastap ketti...» deidi.
«Resei agressiiasynyń aqyry órkeniettiń kúireýimen aiaqtalady. Ol Qytaidy arqalanyp otyr. Beijińniń qoldaýynsyz bógde elge basyp kirýge Kremldiń dáti jetpes edi.
Aqpannyń basynda alty saǵat boiy aqyldasqan Pýtin men Si eki el tarihynda buryn-sońdy bolmaǵan asa mańyzdy saiasi qujatqa qol qoiady. Bul jolǵy qujattyń sipaty, aýqymy alys-beris, barys-kelispen ǵana shektelmeidi!
Resei men Qytai Ýkrain máselesinde bura tartpaýǵa ýaǵdalasady. AQSh pen Batysqa birlese tótep berip, demokratiianyń órisin taryltý týraly konsensýsqa keledi. Qytai nege únsiz jatyr demeńiz, «únsizdik» Resei agressiiasyn quptaýdy bildiredi», – deidi Soros.
...
Si Pýtinge Ýkrainany talqandaýǵa tolyq kart-blansh bergen. Beijiń bileýshisine Pýtinniń derti juǵyp, Qytaidy kórge kirgenshe basqarýdy kózdep otyr. Bul másele biylǵy jyldyń sońyna deiin retke kelýi tiis.
Sorostyń aitýynsha Si ózine deiingi Mao Szedýn jáne Den Siapin sekildi tarihta qalýdy kókseidi. Búkil bilikti ýysynda ustaǵysy keletin Beijiń kósemi bul oiyn júzege asyratyn sátti stsenariidi de sailap qoiǵan.
«Sidiń qoldaýyna ie bolǵan Kreml kósemi ómir boiy ańsaǵan armanyn júzege asyrýǵa qaýyrt kirisip ketti. Ol úshin qolyn qanǵa malýdan taiynbady.
Pýtin de Sidiń sanatynda oilaidy. Jaqynda 70-ke tolatyn ol orystyń jadynda saqtalyp, tarihta qalǵysy keledi. «Biyldan keshikpeýge tiispin, shiraq qimyldaýym kerek. Amerika aldymdy orap ketse, erteń barmaq shainap qalamyn» dep paiymdaidy.
Pýtinniń túsinigindegi Resei búgingi álemniń qalybyna syimaidy. Kremldiń kontseptsiiasy orysty ortaǵasyrǵa ysyryp tastady. Pýtinniń uǵymynda orys halqy patshaǵa muhtaj, patshanyń ámirine baǵynyp, izine ilesip júrýi tiis. Patshaǵa qarsy kelýge quqy joq. Pýtin – patsha. Al bul demokratiianyń qundylyqtaryna qaishy keledi.
Orys halqy áserge berilgish, Pýtin propagandasy orys halqyn rýhani jarymjan ultqa ainaldyrdy, orystyń jan-dúniesi lastandy. Agressiia olardyń denesine taralyp ketti, – deidi Soros.
...
Milliarder Kreml basshysyn biraz ýaqyttan beri barlap, baqylap júrgenin aitady. Sorostyń bilýinde, Pýtin aiaýshylyq sezimnen ada. Ol sheshen halqyn jer betinen joiyp jibere jazdaǵan, Kievtegi áreketi de soǵan uqsas.
KGB-nyń shekpeninen shyqqan ol sońǵy 10-15 jylda adam tanymastai ózgergen. Shynaiy ómirden tym alshaq ketken Kreml diktatory kritikany múldem qabyldai almaidy. Onyń printsipine qaishy pikir aitqan adamdardyń oqqa ushýy nemese is-tússiz joǵalyp ketýi sonyń dáleli.
Ýkrainany eki-úsh kúnde jaýlap alaryna sengen Pýtin shymbaiyna batatyn shyndyqpen betpe-bet kelgen.
«Ol orystildi ýkraindardan úmit kútti. Olar orys soldattaryn qushaq jaia qarsy alaryna senimdi boldy. Orystildi ýkraindar Kievti kúiretýge atsalysady, orys okkýpanttarynyń qataryna qosylady dep paiymdady.
Is júzinde orystildi ýkrainnyń ýkrain tilinde sóileitin aýditoriiadan esh ózgeshiligi joq. Olardyń tili bólek bolǵanmen, tanym-túsinigi bir. Ýkrain jerindegi qos tildi aýditoriia – Pýtindi agressor dep tanidy. Kreml ýkrain halqy munshalyqty qarsylyq kórseterin kútken joq. Kúshi basym jaýǵa toitarys berdi», – deidi milliarder Soros.
...
Esterińizde bolsa, byltyrǵy jyldyń bel ortasynda Pýtin orys pen ýkrainnyń bir ult, bir halyq ekenin dáleldep baǵyp, Kremldiń resmi saitynda ótirik-shyny aralas salaqulash maqala jariialaǵan.
«Reseidiń yrqyna kónetin qarapaiym halyqty neonatsister tuzaqta ustap otyr. Kiev «orys áleminiń» kindiginde ornalasqan qala. Ýkrain halqyn Maidanǵa májbúrlep alyp shyqty», – degen syńaida sóilegen edi Kreml kósemi.
Sorostyń topshylaýynsha Pýtin osy arqyly ózi-ózin jubatqysy, aldaǵysy keledi. 2014 jylǵy dúrbeleńde kúlli el Batysqa bet burǵan.
Kievtiń ýystan shyǵyp ketkenin moiyndaǵysy joq Máskeý erkindikke umtylǵan ultty bodandyq qursaýynda ustaǵysy keledi. Baýyrlas eldi bitispes jaýǵa ainaldyrǵan Pýtinniń bul oiy iske aspaityn syńaily.
«Kreml kúshine sendi. Áskerdiń kúshimen Kievtiń mysyn dep basamyz oilady. Salany ishten iritip jatqan korrýptsiiany esepke alǵan joq. Reseidiń túbine jetetin eń úlken kesel – korrýptsiia. Tonaýdyń kókesi armiiada boldy. Memtapsyrys ustaǵannyń qolynda, tistegenniń aýzynda ketti. Resei armiiasy kóterem kúide. Buǵan Pýtinniń de kózi jetti.
Azýyn aiǵa bilegen orys armiiasy men orys tehnikasynyń kúlli kókke ushty. Soǵystyń keiingi kúnderi Kreml kósemi aqylynan adasa bastady. Agressiiaǵa toitarys bergen Ýkrainany bet albaty bombylaýǵa kóshti. Soǵysta da ereje bolady-aý degendi umytty. Pýtinniń qolynan qaza tapqan qarapaiym turǵyndardyń sanynda esep joq. 400 myń turǵyny bar Mariýpol eki apta boiy as-sýsyz otyr. Resei túbinde jeńiledi...», – deidi Soros.
Onyń pikirinshe AQSh pen Batys Kievke joiǵysh qarýdy jetkizýdi údete túsedi. Soǵys sozyla tússe áskeri ushaqtar men tikushaqtar jetkizip beredi.
Al Pýtin bolsa ózi de ańdamai Batys álemin bir judyryqqa jumyldyrǵan. Eýroodaq shynaiy mándegi birtutas qurylymǵa ainalǵan. Budan bylai NATO jaýdyń qai tustan tónerin anyq biletin bolady.
«Al Qytai she? Sige aqyl kirgen syńaily. Pýtinniń paranaiasy asqynyp ketkenin kesh te bolsa, ańǵarǵan syndy. Frantsiia prezidenti Makron men nemis kantsleri Sholtsqa qońyraý shalǵan Si Batystyń «bitimgerlik missiiasyn» qoldaitynyn málimdedi. Qytai gýmanitarlyq apattyń aldyn-alýǵa múddeli ekenin aitty.
Álbette, Sidiń satyp ketkenin sezgen Pýtin Ýkrainadan tura qashpasy belgili. Kreml kósemi kúlli órkeniettiń túbine jetpei tura taqtan taiýy qajet...», – deidi Soros.
Ázirlegen, Dýman BYQAI
