S & P halyqaralyq reıtıńtik agenttigi Ýkraına men Reseı ózara bitimge kele alsa, bul yqtımal jaǵdaı qazaqstandyq bankterge qalaı áser etetinin boljady. Sarapshylar aıtarlyqtaı teris saldardy boljamaıdy, biraq bul jaıttyń depozıt naryǵyna áser etýi múmkin ekenin naqtylaıdy, dep habarlaıdy Dalanews.kz.
Agenttik osy óńirden depozıtterdiń syrtqa aǵylýy tejelip otyrǵanyn, buǵan Reseı Federasıasynyń makroekonomıkalyq jáne saıası perspektıvalaryndaǵy áli de dúdamaldylyqtyń bolýy túrtki ekenin basa kórsetedi. Onyń ishinde aqsha aýdarymdary men aıyrbasyna da qatysty shekteýler bar.
Sondaı-aq, sarapshylar soǵys bastalǵannan keıin óz bıznesin Qazaqstanǵa kóshirip alǵan reseılik kompanıalar áli de osynda jumysyn jalǵastyra beredi dep boljaıdy. Alaıda aqsha aýdarymdarynyń kólemi qysqaryp, qarjy aǵynyna áser etýi múmkin.
JİÓ-niń naqty ósimine keletin bolsaq, 2025-2027 jyldary Qazaqstanda ol birqalypty bolady. Sarapshylar 2022-2024 jyldarmen salystyrǵanda bul kórsetkish turaqtanyp keletinin, óıtkeni saýda-sattyqtyń, aqsha aýdarymdarynyń jáne Reseıden kapıtal aǵylýynan týyndaǵan bastapqydaǵy shok áserdiń aptyǵy basylyp,támamdalatynyn aıtady.
