S & P حالىقارالىق رەيتينگتىك اگەنتتىگى ۋكراينا مەن رەسەي ءوزارا بىتىمگە كەلە السا، بۇل ىقتيمال جاعداي قازاقستاندىق بانكتەرگە قالاي اسەر ەتەتىنىن بولجادى. ساراپشىلار ايتارلىقتاي تەرىس سالداردى بولجامايدى، ءبىراق بۇل جايتتىڭ دەپوزيت نارىعىنا اسەر ەتۋى مۇمكىن ەكەنىن ناقتىلايدى، دەپ حابارلايدى Dalanews.kz.
اگەنتتىك وسى وڭىردەن دەپوزيتتەردىڭ سىرتقا اعىلۋى تەجەلىپ وتىرعانىن، بۇعان رەسەي فەدەراسياسىنىڭ ماكروەكونوميكالىق جانە ساياسي پەرسپەكتيۆالارىنداعى ءالى دە ءدۇدامالدىلىقتىڭ بولۋى تۇرتكى ەكەنىن باسا كورسەتەدى. ونىڭ ىشىندە اقشا اۋدارىمدارى مەن ايىرباسىنا دا قاتىستى شەكتەۋلەر بار.
سونداي-اق، ساراپشىلار سوعىس باستالعاننان كەيىن ءوز بيزنەسىن قازاقستانعا كوشىرىپ العان رەسەيلىك كومپانيالار ءالى دە وسىندا جۇمىسىن جالعاستىرا بەرەدى دەپ بولجايدى. الايدا اقشا اۋدارىمدارىنىڭ كولەمى قىسقارىپ، قارجى اعىنىنا اسەر ەتۋى مۇمكىن.
ءجىوء-نىڭ ناقتى وسىمىنە كەلەتىن بولساق، 2025-2027 جىلدارى قازاقستاندا ول ءبىرقالىپتى بولادى. ساراپشىلار 2022-2024 جىلدارمەن سالىستىرعاندا بۇل كورسەتكىش تۇراقتانىپ كەلەتىنىن، ويتكەنى ساۋدا-ساتتىقتىڭ، اقشا اۋدارىمدارىنىڭ جانە رەسەيدەن كاپيتال اعىلۋىنان تۋىنداعان باستاپقىداعى شوك اسەردىڭ اپتىعى باسىلىپ،ءتامامدالاتىنىن ايتادى.
