Jeksenbige qaraǵan túni Ýkraina sońǵy ýaqyttaǵy eń aýqymdy shabýyldardyń birine tap boldy, dep habarlaidy dalanews.kz.
Kievtiń málimetinshe, Resei el astanasy men ózge de iri qalalarǵa shamamen 90 zymyran jáne 600 dron ushyrǵan.
Ýkraina tarapy «Oreshnik» zymyrany Kievtiń ońtústigindegi aimaqtyq ortalyq - Bela Tserkov qalasyna baǵyttalǵanyn habarlady.
Ýkrainanyń áýe qorǵanys kúshteri 55 zymyran men 549 ushqyshsyz ushý apparatyn atyp túsirgenin málimdedi. Shabýyl saldarynan Kievte keminde eki adam qaza tapqan. Taǵy eki adam astana mańyndaǵy óńirde kóz jumdy. Ondaǵan adam jaraqat alǵan.
Soqqydan turǵyn úiler, kólikter jáne infraqurylym nysandary zaqymdanǵan.
Buǵan deiin Resei prezidenti Vladimir Pýtin Qorǵanys ministrligine Ýkrainanyń Starobelsk qalasyna jasaǵan shabýylyna jaýap berý nusqalary boiynsha usynystar ázirleýdi tapsyrǵan edi.
