Premer-ministr Oljas Bektenov ekonomika jáne kásipkerlik salasyndaǵy sarapshylar qaýymdastyǵynyń ókilderimen kezdesti. Kezdesýdiń basty maqsaty – ekonomikanyń turaqty ósimine qol jetkizý boiynsha Úkimettiń ekonomikalyq blogynyń sharalary men tásilderin talqylaý, dep jazady Dalanews.kz.
Premer-ministrdiń orynbasary – ulttyq ekonomika ministri Serik Jumanǵarin elimizdegi qazirgi ekonomikalyq jaǵdai týraly baiandap, ónerkásipti damytý, infraqurylymdy jańǵyrtý, óńirlerde ósimniń jańa múmkindikterin iske qosý jónindegi mindetterdi sheshý úshin salyq-biýdjet reformasyn júrgizý tásilderin aitty.
Kezdesýge qatysýshylar memlekettik qarjyny turaqtandyrý jáne olardy tiimdi paidalaný sharalary bekitilgen jańa Salyq jáne Biýdjet kodeksteri jobalaryn talqylady.
Kezdesý barysynda "Atameken" UKP tóralqa tóraǵasy Raiymbek Batalov, "Qazaqstan mashina jasaýshylar odaǵy" ZTB basqarma tóraǵasy Meiram Pishembaev, "Taý-ken óndirý jáne taý-ken metallýrgiia kásiporyndarynyń respýblikalyq qaýymdastyǵy" ZTB atqarýshy direktory Nikolai Radostovets, "Qazaqstannyń qurylys salýshylar qaýymdastyǵy" ZTB prezidenti Viktor Mikriýkov, "Atameken" UKP tóralqasy Farmatsevtikalyq, meditsinalyq ónerkásip jáne meditsinalyq qyzmetter komitetiniń tóraǵasy Nurjan Otarbaev, "Qazaqstan qarjygerleriniń qaýymdastyǵy" ZTB Keńesiniń tóraǵasy Elena Bahmýtova, "KAZENERGY" Qazaqstan munai-gaz jáne energetika kesheni uiymdarynyń qaýymdastyǵy" ZTB tóraǵasy Maǵzum Myrzaǵaliev usynylyp otyrǵan ózgeristerdiń ekonomikanyń túrli salalaryna áseri týraly aitty.
L.N. Gýmilev atyndaǵy Eýraziia ulttyq ýniversiteti Direktorlar keńesiniń tóraǵasy Jaqsybek Qulekeev, "NAC Analytica" Korporativtik qory basqarmasynyń tóraǵasy Rasýl Rysmambetov, "Dasco Consulting group" JShS basqarýshy seriktesi Dármen Sádýaqasov, "Fortune Partners" JShS bas direktory, MNU salyq quqyǵy mektebiniń basshysy Dana Toqmýrzina, QM Memlekettik qarjy jónindegi qoǵamdyq keńesiniń tóraǵasy Rýstam Júrsinov, "Kommentarii" taldaý tobynyń jetekshisi, ekonomist Eldar Shamsýtdinov baiypty pikirlerin ortaǵa saldy. Sondai-aq talqylaýǵa "Talap" Qoldanbaly zertteýler ortalyǵynyń direktory Rahym Oshaqbaev, "DESHT" taldaý ortalyǵynyń jetekshisi Qýanysh Jaiyqov, ekonomist Ǵalymjan Aitqazin, táýelsiz qarjy sarapshysy Andrei Chebotarev, "Visor Kazakhstan" investitsiialyq kompaniiasynyń basqarýshy seriktesi Almas Chýkin jáne basqalar qatysty.
Premer-ministr kezdesýge qatysýshylarǵa syndarly dialog úshin alǵys bildirip, Ulttyq ekonomika, Qarjy ministrlikterine salyq-biýdjet salasyn reformalaý máseleleri boiynsha aitylǵan usynystardy pysyqtaýdy tapsyrdy.
"Prezident naqty sektordy damytýdy kúsheite otyryp, ekonomika qurylymyn ózgertý mindetin qoidy. Sondyqtan talqylanatyn reformalar elimiz úshin mańyzdy. Salyq-biýdjet reformasy ekonomikany odan ári damytý jónindegi jumysty jetildirýdiń pármendi tetigi bolmaq", — dep atap ótti Oljas Bektenov.
Úkimet ekonomikalyq ósýdi yntalandyrýdyń barynsha tiimdi sharalaryn pysyqtaý úshin sarapshylarmen belsendi túrde jumys isteýdi jalǵastyrýda.
Bul talqynyń egjei-tegjeiin sarapshylar Úkimet úiinen shyqqannan keiin ózderi de baiandaityn bolady. Ázirge, bary osy.
Buǵan deiin saitymyzda "Argentina prezidentine qarańyzshy. Rasýl Rysmbambetov óz tańdanysyn jasyra almady" atty maqala jariialanǵan bolatyn. Onda sol elde qolǵa alynǵan liberaldy reformalar týraly sóz qozǵalyp, Qazaqstanǵa úlgi etiledi.
