Qazaqstan Prezıdenti Nursultan Nazarbaev birneshe mınıstrlikti qaıta qurdy. Bul týraly Aqordanyń resmı saıty habarlaıdy.

Aqordanyń saıtynda Qazaqstan Respýblıkasy Konstıtýsıasynyń 44-babynyń 3) tarmaqshasyna sáıkes memlekettik basqarý júıesiniń tıimdiligin arttyrý maqsatynda bylaı dep qaýly shyqqany habarlandy:

1) Qazaqstan Respýblıkasynyń Densaýlyq saqtaý jáne áleýmettik damý mınıstrligi áleýmettik-eńbek salasyndaǵy memlekettik saıasatty qalyptastyrý jáne júrgizý salasyndaǵy fýnksıalary men ókilettikteri berile otyryp, Qazaqstan Respýblıkasynyń Eńbek jáne halyqty áleýmettik qorǵaý mınıstrligine;

densaýlyq saqtaý salasyndaǵy memlekettik saıasatty qalyptastyrý jáne júrgizý salasyndaǵy fýnksıalary men ókilettikteri berile otyryp, Qazaqstan Respýblıkasynyń Densaýlyq saqtaý mınıstrligine bólý arqyly;

2) Qazaqstan Respýblıkasynyń Investısıalar jáne damý mınıstrligi eksportty ilgeriletýge jaýapty retinde aıqyndalyp, týrısik qyzmet salasyndaǵy fýnksıalary men ókilettikteri Qazaqstan Respýblıkasynyń Mádenıet jáne sport mınıstrligine berile otyryp;

3) Qazaqstan Respýblıkasynyń Ulttyq ekonomıka mınıstrligi:

halyqtyń sanıtarıalyq-epıdemıologıalyq salamattylyǵy salasyndaǵy memlekettik saıasatty iske asyrý jónindegi fýnksıalary men ókilettikteri Qazaqstan Respýblıkasynyń Densaýlyq saqtaý mınıstrligine;

eldi mekenderdiń shekarasy (syzyqtary) sheginde elektrmen jabdyqtaý (0,4 kV elektr jelisi obektileri), ortalyqtandyrylǵan jylýmen jabdyqtaý aımaǵynda jylý energıasyn óndirýdi júzege asyratyn, belgilengen qýaty 100 Gkal/saǵattan tómen qazandyqtar (avtonomdy qazandyqtardan basqa) bóliginde jylýmen jabdyqtaý, gaz jáne gazben jabdyqtaý salasyndaǵy memlekettik saıasatty qalyptastyrý jáne iske asyrý jónindegi fýnksıalary men ókilettikteri Qazaqstan Respýblıkasynyń Energetıka mınıstrligine;

sáýlet, qala qurylysy, qurylys, turǵyn úı qatynastary, sýmen jabdyqtaý, sý burý, komýnaldyq sharýashylyq jáne komýnaldyq qaldyqtarmen (qatty-turmystyq qaldyqtardy qospaǵanda) jumys isteý salasyndaǵy memlekettik saıasatty qalyptastyrý jáne iske asyrý jónindegi fýnksıalary men ókilettikteri Qazaqstan Respýblıkasynyń Investısıalar jáne damý mınıstrligine berile otyryp qaıta uıymdastyrylsyn.

2. Memlekettik organdar beriletin fýnksıalar men ókilettikterge sáıkes qaıta uıymdastyrylatyn memlekettik organdardyń quqyqtary men mindettemeleriniń quqyqtyq mırasqorlary bolyp belgilensin.


3. Qazaqstan Respýblıkasynyń Úkimeti:

1) qaıta uıymdastyrylatyn memlekettik organdardyń shtat sanyn Qazaqstan Respýblıkasy Prezıdentiniń Ákimshiligimen kelisý boıynsha qaıta bólýdi;

2) 2017 jylǵy 1 shildege deıin osy Jarlyqty iske asyrý boıynsha ózge de sharalar qabyldaýdy qamtamasyz etsin.

 

4. “Qazaqstan Respýblıkasy Úkimetiniń qurylymy týraly” Qazaqstan Respýblıkasy Prezıdentiniń 1999 jylǵy 22 qańtardaǵy № 6 Jarlyǵyna mynadaı ózgeris pen tolyqtyrý engizilsin:

1-tarmaqta:

mynadaı mazmundaǵy joldarmen tolyqtyrylsyn:

“Qazaqstan Respýblıkasynyń Densaýlyq saqtaý mınıstrligi;

Qazaqstan Respýblıkasynyń Eńbek jáne halyqty áleýmettik qorǵaý mınıstrligi.”;

“Qazaqstan Respýblıkasynyń Densaýlyq saqtaý jáne áleýmettik damý mınıstrligi;” degen jol alyp tastalsyn.

5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.


6. Osy Jarlyq qol qoıylǵan kúninen bastap qoldanysqa engiziledi.”, – delingen Qaýlyda.

Jiberip almańyz:

Elbasy búgin keshke úndeý jarıalaıdy

Eljan Birtanov densaýlyq saqtaý mınıstri bolyp taǵaıyndaldy

Nursultan Nazarbaev ózine tıesili bılikti bólip berýge kiristi