قازاقستان پرەزيدەنتى نۇرسۇلتان نازاربايەۆ بىرنەشە مينيسترلىكتى قايتا قۇردى. بۇل تۋرالى اقوردانىڭ رەسمي سايتى حابارلايدى.

اقوردانىڭ سايتىندا قازاقستان رەسپۋبليكاسى كونستيتۋسياسىنىڭ 44-بابىنىڭ 3) تارماقشاسىنا سايكەس مەملەكەتتىك باسقارۋ جۇيەسىنىڭ تيىمدىلىگىن ارتتىرۋ ماقساتىندا بىلاي دەپ قاۋلى شىققانى حابارلاندى:

1) قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگى الەۋمەتتىك-ەڭبەك سالاسىنداعى مەملەكەتتىك ساياساتتى قالىپتاستىرۋ جانە جۇرگىزۋ سالاسىنداعى فۋنكسيالارى مەن وكىلەتتىكتەرى بەرىلە وتىرىپ، قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگىنە؛

دەنساۋلىق ساقتاۋ سالاسىنداعى مەملەكەتتىك ساياساتتى قالىپتاستىرۋ جانە جۇرگىزۋ سالاسىنداعى فۋنكسيالارى مەن وكىلەتتىكتەرى بەرىلە وتىرىپ، قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنە ءبولۋ ارقىلى؛

2) قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگى ەكسپورتتى ىلگەرىلەتۋگە جاۋاپتى رەتىندە ايقىندالىپ، تۋريستىك قىزمەت سالاسىنداعى فۋنكسيالارى مەن وكىلەتتىكتەرى قازاقستان رەسپۋبليكاسىنىڭ مادەنيەت جانە سپورت مينيسترلىگىنە بەرىلە وتىرىپ؛

3) قازاقستان رەسپۋبليكاسىنىڭ ۇلتتىق ەكونوميكا مينيسترلىگى:

حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ساياساتتى ىسكە اسىرۋ جونىندەگى فۋنكسيالارى مەن وكىلەتتىكتەرى قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنە؛

ەلدى مەكەندەردىڭ شەكاراسى (سىزىقتارى) شەگىندە ەلەكترمەن جابدىقتاۋ (0،4 كۆ ەلەكتر جەلىسى وبەكتىلەرى)، ورتالىقتاندىرىلعان جىلۋمەن جابدىقتاۋ ايماعىندا جىلۋ ەنەرگياسىن ءوندىرۋدى جۇزەگە اسىراتىن، بەلگىلەنگەن قۋاتى 100 گكال/ساعاتتان تومەن قازاندىقتار (اۆتونومدى قازاندىقتاردان باسقا) بولىگىندە جىلۋمەن جابدىقتاۋ، گاز جانە گازبەن جابدىقتاۋ سالاسىنداعى مەملەكەتتىك ساياساتتى قالىپتاستىرۋ جانە ىسكە اسىرۋ جونىندەگى فۋنكسيالارى مەن وكىلەتتىكتەرى قازاقستان رەسپۋبليكاسىنىڭ ەنەرگەتيكا مينيسترلىگىنە؛

ساۋلەت، قالا قۇرىلىسى، قۇرىلىس، تۇرعىن ءۇي قاتىناستارى، سۋمەن جابدىقتاۋ، سۋ بۇرۋ، كوممۋنالدىق شارۋاشىلىق جانە كوممۋنالدىق قالدىقتارمەن (قاتتى-تۇرمىستىق قالدىقتاردى قوسپاعاندا) جۇمىس ىستەۋ سالاسىنداعى مەملەكەتتىك ساياساتتى قالىپتاستىرۋ جانە ىسكە اسىرۋ جونىندەگى فۋنكسيالارى مەن وكىلەتتىكتەرى قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگىنە بەرىلە وتىرىپ قايتا ۇيىمداستىرىلسىن.

2. مەملەكەتتىك ورگاندار بەرىلەتىن فۋنكسيالار مەن وكىلەتتىكتەرگە سايكەس قايتا ۇيىمداستىرىلاتىن مەملەكەتتىك ورگانداردىڭ قۇقىقتارى مەن مىندەتتەمەلەرىنىڭ قۇقىقتىق ميراسقورلارى بولىپ بەلگىلەنسىن.


3. قازاقستان رەسپۋبليكاسىنىڭ ۇكىمەتى:

1) قايتا ۇيىمداستىرىلاتىن مەملەكەتتىك ورگانداردىڭ شتات سانىن قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسۋ بويىنشا قايتا ءبولۋدى؛

2) 2017 جىلعى 1 شىلدەگە دەيىن وسى جارلىقتى ىسكە اسىرۋ بويىنشا وزگە دە شارالار قابىلداۋدى قامتاماسىز ەتسىن.

 

4. “قازاقستان رەسپۋبليكاسى ۇكىمەتىنىڭ قۇرىلىمى تۋرالى” قازاقستان رەسپۋبليكاسى پرەزيدەنتىنىڭ 1999 جىلعى 22 قاڭتارداعى № 6 جارلىعىنا مىناداي وزگەرىس پەن تولىقتىرۋ ەنگىزىلسىن:

1-تارماقتا:

مىناداي مازمۇنداعى جولدارمەن تولىقتىرىلسىن:

“قازاقستان رەسپۋبليكاسىنىڭ دەنساۋلىق ساقتاۋ مينيسترلىگى؛

قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى.”؛

“قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگى؛” دەگەن جول الىپ تاستالسىن.

5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.


6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.”، – دەلىنگەن قاۋلىدا.

جىبەرىپ الماڭىز:

ەلباسى بۇگىن كەشكە ۇندەۋ جاريالايدى

ەلجان ءبىرتانوۆ دەنساۋلىق ساقتاۋ ءمينيسترى بولىپ تاعايىندالدى

نۇرسۇلتان نازاربايەۆ وزىنە تيەسىلى بيلىكتى ءبولىپ بەرۋگە كىرىستى