Búgin Qazaqstan Respýblikasy Premer-ministriniń birinshi orynbasary Roman Skliardyń Qytai ulttyq munai-gaz korporatsiiasynyń (CNPC) prezidenti Hoý Tsitsziýnmen jumys babyndaǵy kezdesýi ótti, dep habarlaidy Dalanews.kz.
Taraptar munai-gaz salasyndaǵy ekijaqty yntymaqtastyqtyń qazirgi mártebesi men keleshegin talqylady.
Roman Skliar barlyq negizgi baǵyt boiynsha Qazaqstan men Qytai, onyń ishinde CNPC arasyndaǵy ózara is-qimyldyń serpindi damýyn atap ótti.
Kelissózder barysynda munai óńdeý nysandaryn jańǵyrtýdy, birlesken jer qoinaýyn paidalanýdy damytýdy, kásiporyndarda áleýmettik turaqtylyqty qamtamasyz etýdi, munai himiiasy salasyndaǵy birlesken bastamalardy ilgeriletýdi, sondai-aq energiia resýrstaryn turaqty jetkizý sharalaryn qamtamasyz etýdi qosa alǵanda, Qazaqstan aýmaǵynda birlesken jobalardy iske asyrý máselelerine erekshe nazar aýdaryldy.
Hoý Tsitsziýn qazaqstandyq tarapqa ashyq ári syndarly dialog úshin alǵysyn bildirip, CNPC-diń ozyq tehnologiialardy engizýge jáne ózara tiimdi jobalardy iske asyrýǵa baǵyttalǵan tyǵyz yntymaqtastyqty jalǵastyrýǵa daiyndyǵyn atap ótti.
Kezdesý qorytyndysy boiynsha taraptar qazaq-qytai úkimetaralyq komissiiasy, sondai-aq «Bir beldeý – bir jol» bastamasy sheńberindegi yntymaqtastyqty odan ári tereńdetýge múddeli ekenin jetkizdi.
