بٷگٸن قازاقستان رەسپۋبليكاسى پرەمەر-مينيسترٸنٸڭ بٸرٸنشٸ ورىنباسارى رومان سكلياردىڭ قىتاي ۇلتتىق مۇناي-گاز كورپوراتسيياسىنىڭ (CNPC) پرەزيدەنتٸ حوۋ تسيتسزيۋنمەن جۇمىس بابىنداعى كەزدەسۋٸ ٶتتٸ, دەپ حابارلايدى Dalanews.kz.
تاراپتار مۇناي-گاز سالاسىنداعى ەكٸجاقتى ىنتىماقتاستىقتىڭ قازٸرگٸ مەرتەبەسٸ مەن كەلەشەگٸن تالقىلادى.
رومان سكليار بارلىق نەگٸزگٸ باعىت بويىنشا قازاقستان مەن قىتاي, ونىڭ ٸشٸندە CNPC اراسىنداعى ٶزارا ٸس-قيمىلدىڭ سەرپٸندٸ دامۋىن اتاپ ٶتتٸ.
كەلٸسسٶزدەر بارىسىندا مۇناي ٶڭدەۋ نىساندارىن جاڭعىرتۋدى, بٸرلەسكەن جەر قويناۋىن پايدالانۋدى دامىتۋدى, كەسٸپورىنداردا ەلەۋمەتتٸك تۇراقتىلىقتى قامتاماسىز ەتۋدٸ, مۇناي حيميياسى سالاسىنداعى بٸرلەسكەن باستامالاردى ٸلگەرٸلەتۋدٸ, سونداي-اق ەنەرگييا رەسۋرستارىن تۇراقتى جەتكٸزۋ شارالارىن قامتاماسىز ەتۋدٸ قوسا العاندا, قازاقستان اۋماعىندا بٸرلەسكەن جوبالاردى ٸسكە اسىرۋ مەسەلەلەرٸنە ەرەكشە نازار اۋدارىلدى.
حوۋ تسيتسزيۋن قازاقستاندىق تاراپقا اشىق ەرٸ سىندارلى ديالوگ ٷشٸن العىسىن بٸلدٸرٸپ, CNPC-دٸڭ وزىق تەحنولوگييالاردى ەنگٸزۋگە جەنە ٶزارا تيٸمدٸ جوبالاردى ٸسكە اسىرۋعا باعىتتالعان تىعىز ىنتىماقتاستىقتى جالعاستىرۋعا دايىندىعىن اتاپ ٶتتٸ.
كەزدەسۋ قورىتىندىسى بويىنشا تاراپتار قازاق-قىتاي ٷكٸمەتارالىق كوميسسيياسى, سونداي-اق «بٸر بەلدەۋ – بٸر جول» باستاماسى شەڭبەرٸندەگٸ ىنتىماقتاستىقتى ودان ەرٸ تەرەڭدەتۋگە مٷددەلٸ ەكەنٸن جەتكٸزدٸ.
