Endi Eńbek jáne halyqty áleýmettik qorǵaý mınıstrligin Serik Shapkenov basqaratyn boldy.
Onyń aldynda mınıstrlik tizgini Birjan Nurymbetovte bolyp kelgen.
Shapkenovtiń taǵaıyndaýy Qasym-Jomart Toqaev qol qoıǵan Qaýlyda qamtylǵan.
Shapkenov Serik Jambyluly Qazaqstan Respýblıkasynyń Eńbek jáne halyqty áleýmettik qorǵaý mınıstri bolyp taǵaıyndalsyn, - delingen Aqorda habarlamasynda.
Shapkenov 1979 jyly 29 shildede Oral oblysynda dúnıege kelgen.
2000 jyly Batys Qazaqstan memlekettik ýnıversıtetin ekonomıka jáne matematıka mamandyǵy boıynsha bitirdi.
Eńbek jolyn 2000 jyly Batys Qazaqstan memlekettik ýnıversıtetinde oqytýshy bolyp bastaǵan. Osy jyldary ol Batys Qazaqstan oblysy ákimi apparatynyń qurylymynda jumys istedi.
2012-2015 jyldary Batys Qazaqstan oblysy ákiminiń birinshi orynbasary boldy.
2015-2016 jyldary - Qazaqstan Respýblıkasy Prezıdenti Ákimshiliginiń Memlekettik baqylaý jáne uıymdastyrý-aýmaqtyq jumys bóliminiń memlekettik ınspektory.
2016 jyldan 2018 jylǵa deıin Atyraý qalasynyń ákimi bolyp jumys istedi.
2018 jyldan 2020 jylǵa deıin - Atyraý oblysy ákiminiń birinshi orynbasary.
2020 jyldyń maýsym aıynan bastap Qazaqstan Respýblıkasy Eńbek jáne halyqty áleýmettik qorǵaý vıse-mınıstri boldy.
