ەندى ەڭبەك جانە حالىقتى الەۋمەتتىك قورعاۋ مينيسترلىگىن سەرىك شاپكەنوۆ باسقاراتىن بولدى.
ونىڭ الدىندا مينيسترلىك تىزگىنى ءبىرجان نۇرىمبەتوۆتە بولىپ كەلگەن.
شاپكەنوۆتىڭ تاعايىنداۋى قاسىم-جومارت توقايەۆ قول قويعان قاۋلىدا قامتىلعان.
شاپكەنوۆ سەرىك جامبىل ۇلى قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالسىن، - دەلىنگەن اقوردا حابارلاماسىندا.
شاپكەنوۆ 1979 جىلى 29 شىلدەدە ورال وبلىسىندا دۇنيەگە كەلگەن.
2000 جىلى باتىس قازاقستان مەملەكەتتىك ۋنيۆەرسيتەتىن ەكونوميكا جانە ماتەماتيكا ماماندىعى بويىنشا ءبىتىردى.
ەڭبەك جولىن 2000 جىلى باتىس قازاقستان مەملەكەتتىك ۋنيۆەرسيتەتىندە وقىتۋشى بولىپ باستاعان. وسى جىلدارى ول باتىس قازاقستان وبلىسى اكىمى اپپاراتىنىڭ قۇرىلىمىندا جۇمىس ىستەدى.
2012-2015 جىلدارى باتىس قازاقستان وبلىسى اكىمىنىڭ ءبىرىنشى ورىنباسارى بولدى.
2015-2016 جىلدارى - قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى.
2016 جىلدان 2018 جىلعا دەيىن اتىراۋ قالاسىنىڭ اكىمى بولىپ جۇمىس ىستەدى.
2018 جىلدان 2020 جىلعا دەيىن - اتىراۋ وبلىسى اكىمىنىڭ ءبىرىنشى ورىنباسارى.
2020 جىلدىڭ ماۋسىم ايىنان باستاپ قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيسە-مينيسترى بولدى.
