Prezident tapsyrmasymen Óskemendegi Gematologiia ortalyǵy qurylysyna 33,6 mlrd teńge bólindi, - dep habarlaidy Dalanews.kz.
Úkimet Memleket basshysy Ulttyq quryltaidyń tórtinshi otyrysy barysynda alǵa qoiǵan Óskemendegi Gematologiia ortalyǵyn jedeldetip paidalanýǵa berý týraly tapsyrmasyn júzege asyrý aiasynda arnaýly memlekettik qordan 33,6 mlrd teńge bóldi.
"Meditsina mekemesinde eki korpýs: 148 oryndyq statsionar jáne klinika naýqastaryna arnalǵan 24 oryndyq qonaqúi qarastyrylǵan. Bas ǵimaratta zamanaýi meditsinalyq qural-jabdyqtarmen qamtylǵan zerthanalar, sáýlelik diagnostika, kardiologiia, kardiohirýrgiia, gematologiia, súiek kemigin transplantatsiialaý jáne kúrdeli somatika bólimsheleri ornalastyrylady. Jańa ortalyq naýqastardy emdeý men ońaltýdyń ozyq ádisterine qol jetkizýge múmkindik beredi. Jobanyń jalpy quny - 71,3 mlrd teńge. Búginde nysannyń 78%-y aiaqtalǵan", - dep jazylǵan habarlamada.
Ǵimarattyń qańqasy turǵyzylyp, syrtqy injenerlik jeliler tartylǵan, shatyr, qasbeti, tereze bloktary daiyndalyp, ishki árleý jumystary ishinara aiaqtalǵan.
Búginde Úkimet áleýmettik mańyzy bar nysandar qurylysyna arnaýly memlekettik qordan qarajat bólip keledi. Olardyń qatarynda 7 mektep, sonyń ishinde bir mýzyka mektebi, 2 sport kesheni, stadion, kópsalaly aýrýhana kesheni, oblystyq jedel járdem stansasy, arnaýly áleýmettik qyzmet kórsetý ortalyǵy, jataqhana, 2 balabaqsha bar.
Budan bólek qarajat Qyzylorda oblysynyń Aral aýdanyndaǵy sýmen jabdyqtaý júielerin salý jáne jańǵyrtýǵa baǵyttaldy.
