Qostanai oblysynda sý tasqynyna qarsy is-sharalar úshin Úkimet 1 mlrd teńge bóldi, - dep habarlaidy Dalanews.kz.
Tiisti qaýlyǵa premer-ministr Oljas Bektenov qol qoidy.
2024 jylǵy kóktemgi sý tasqyny saldarynan Qarasý aýdanynda bes kól, iaǵni Timtýir, Qoibaǵar, Alabota, Biesoiǵan jáne Janshora kólderi qosylyp, jalpy aýdany 621 sharshy shaqyrym bolatyn sý basatyn aýmaq qalyptasýyna ákep soqqan.
"Uzyndyǵy 38 shaqyrym bolatyn elektr jelileriniń 234 tiregi sý astynda qaldy, bul aýdannyń EBJ jalpy uzyndyǵynyń 15,5%-yna jetedi. Tirekter qulaǵan jaǵdaida 2 426 abonent (10 myńǵa jýyq turǵyn) jáne 114 aýyl sharýashylyǵy qurylymy elektr qýatynsyz qalýy múmkin. Sonymen qatar, bul aimaqta infraqurylymdyq mańyzdy nysandar, onyń ishinde oblystyq jáne aýdandyq mańyzy bar joldar, bailanys jelileri, egis alqaptary men jaiylymdar ornalasqan. Jaǵdaidy eskere otyryp, Qostanai oblysy ákimdigi Qarasý aýdanynda uzyndyǵy 14,2 shaqyrym bolatyn sý burý arnasyn salý jobasyn ázirledi. Jobanyń jalpy quny - 1,9 mlrd teńge, onyń bir bóligi oblystyq biýdjetten bólingen", - dep jazylǵan habarlamada.
