14 qańtarda Úkimet otyrysynda QR Premer-ministri Oljas Bektenov elektrondyq saýda naryǵynyń damýyn eskere otyryp, sapasyz taýar satyp alǵan tutynýshylarmen qatar, básekeniń zańsyz tásilderine tap bolǵan óndirýshiler úshin de qaýipti azaitý qajettigine nazar aýdardy. Sóitip sheteldik marketpleisterge qatysty zańnamany qataitý jóninde tiisti vedomstvolarǵa birqatar tapsyrma berdi, dep jazady Dalanews.kz.
"Bizdegi naryqtyń aýqymdy bóligin sheteldik internet-alańdar alyp jatyr. Olardy otandyq taýarlar eksportyn arttyrý úshin tiimdi paidalanýǵa bolady. Ekinshi jaǵynan, tutynýshylardyń quqyqtary men ziiatkerlik menshikti jáne azamattardyń derbes derekterin qorǵaýǵa bailanysty másele týyndaidy. Sheteldik alańdar túgili, otandyq marketpleister de sapaǵa kepildik bere almaidy. Ónimniń túpnusqalyǵy týraly aqparat kóbinese kórsetilmeidi. Bul – sapasyz taýar satyp alǵan tutynýshylarmen qatar, básekeniń zańsyz tásilderine tap bolatyn óndirýshiler úshin de qaýipti", — dep atap ótti Oljas Bektenov.
- Osyǵan bailanysty saýda jáne integratsiia ministrligine birqatar tapsyrma berildi:
Bazarlar men úi mańyndaǵy shaǵyn dúkenderdiń qyzmetin tsifrlandyrý boiynsha naqty usynystar men sharalar ázirleý; - Ádilet jáne Tsifrlyq damý ministrlikterimen birlesip, aqpan aiynyń sońyna deiin tutynýshylardyń elektrondyq saýdadaǵy quqyqtaryn qorǵaý deńgeiin arttyrý boiynsha naqty sharalar ázirleý:
"Bul jumysty ónimniń sapasyna, ziiatkerlik menshikti jáne azamattardyń derbes derekterin qorǵaýǵa basymdyq bere otyryp júrgizý kerek", — dep atap ótti Oljas Bektenov.
- biyl naýryz aiynyń sońyna deiin otandyq biznes-qoǵamdastyq usynystaryn jáne múddeli memlekettik organdarmen jáne "Tsifrlyq Qazaqstan" qaýymdastyǵymen birlesip marketpleistermen jumys tájiribesin eskere otyryp, elektrondyq kommertsiiany damytýdy memlekettik qoldaýdyń qosymsha sharalaryn ázirleý;
- múddeli memlekettik organdarmen jáne biznes-qoǵamdastyqpen birlesip, naýryz aiynyń sońyna deiin el ishinde de, halyqaralyq deńgeide de taýarlardy jetkizýdiń tiimdi tizbegin qalyptastyrý;
- tsifrlyq damý, innovatsiialar jáne aeroǵarysh ónerkásibi, saýda ministrlikteriniń aldyna ulttyq poshta operatory – "Qazposhtanyń" damý josparyn ázirleý mindeti qoiyldy.
Saýda jáne integratsiia ministrliginiń derekteri boiynsha, elimizde ótken jyl qorytyndysy boiynsha elektrondyq saýda naryǵynyń kólemi 3,2 trln teńgeni qurady, bólshek saýdanyń jalpy kólemindegi úlesi 14,5%-ǵa jetti. 2029 jylǵa qarai elektrondyq saýda kórsetkishin úsh esege ulǵaitý jáne ony 9,3 trln teńgege deiin jetkizý josparlanyp otyr. Bul salany ilgeriletý úshin Úkimet onlain-kommertsiiany damytý josparyn qabyldady.
Bul rette saitymyzda "Qazaqstan naryǵyn reseilik marketpleister jappai jaýlap jatyr" degen maqala jariialanǵan bolatyn. Sondai-aq "Ainalymy 1,8 trln teńge. Elimizde "postamattar qaptap, marketpleisterdiń saýdasy qyzýda" degen maqalany da oqi otyryńyzdar.
