Ridder qalasyndaǵy JEO-nyń jóndeý jumystaryna Úkimet rezervinen shamamen 1,7 mlrd teńge bólindi,- dep habarlaidy Dalanews.kz
Tiisti qaýlyǵy premer-ministr Oljas Bektenov qol qoidy. Qujatqa sáikes Ridder qalasyndaǵy jylý elektr ortalyǵynda jóndeý jumystaryn júrgizý úshin Shyǵys Qazaqstan oblysynyń biýdjetine aǵymdaǵy nysanaly transfert túrindegi qarajat aýdarylady.
"Sońǵy eki jylda Ridder JEO-ǵa Úkimet rezervi men oblys biýdjetinen 15,5 mlrd teńge baǵyttaldy. Qazandyqtar men týrbinalarda jóndeý-qalpyna keltirý jumystary júrgizildi, stansanyń tozý deńgeii 75%-dan 46%-ǵa deiin tómendedi. Uzyndyǵy 21,3 shaqyrym jylý jelisinde jóndeý júrgizildi, sonyń nátijesinde jylý jelileriniń tozý deńgeii 82%-dan 67%-ǵa deiin azaidy", - dep jazylǵan habarlamada.
Sonymen qatar, 2023-2024 jyldardaǵy jóndeý naýqanyna enbegen toraptar men mehanizmderdi jóndeý qajet. Qazandyq agregattaryn, týrboagregattaryn, sondai-aq, jabdyqtyń turaqty túrde elektrmen qamtamasyz etilýine jaýapty keshendi taratý qurylǵylaryn jóndeý qajet. Osylaisha bólingen qarajat Ridder qalasynyń jylý elektr ortalyǵyn aldaǵy 2025-2026 jylytý maýsymyna ýaqtyly ári sapaly daiyndaýdy qamtamasyz etedi.
Aita keteiik, 2024 jyly jylý elektr ortalyǵyn tiimdi basqarý, stansanyń qarjylyq jáne kadr turaqtylyǵyn qamtamasyz etý maqsatynda múlik kommýnaldyq menshikke berilgen bolatyn.
