2025 jyldyń birinshi jarty jyldyǵynda Ulttyq qordan Qazaqstannyń respýblikalyq biýdjetine bólingen transfertter kólemi 60% -dy qurady. Josparǵa sai bolýy úshin shilde-jeltoqsan ailarynda Úkimet endi "munai ámiianynan" 2,1 trln teńge ǵana aqsha ala alady, dep habarlaidy Dalanews.kz.
Biylǵy jyly Ulttyq qordan alynǵan transfertterdiń kólemi 3,1 trln teńgeni quraǵanyna ekonomist Rýslan Sultanov jurtshylyqty basa nazar aýdartty. Tengenomika Telegram arnasynda ol birinshi jarty jyldyqta biýdjet kiristeri boiynsha jospar oryndalmaǵanyn da basa atap ótti:
- memlekettik qazynaǵa 10,3 trln teńge tartyldy, degenmen jinalýy tiis kólem 11,2 trln teńge bolatyn.
Bul rette salyqtar boiynsha jospar 99%-ǵa oryndaldy (6,47 trln teńge, jospar boiynsha 6,53 trln teńge), al naqty korporativtik tabys salyǵy, tipti asyra oryndalyp, kútkennen eki paiyzǵa artyq alym jinaldy. Salyqtyq emes túsimder jospardan 31% artyq bolyp shyqty. Osyǵan qaramastan, salyqtar tollyqandy jinalmaǵan, iaǵni jetispeýshilikter bar.
"Eń qyzyǵy, árine, Qazaqstan biligi Ulttyq qordan beriletin transfertterdiń nysanaly kólemin saqtaý mindetin qalai oryndaityndyǵy bolyp tur. Josparǵa sai bolýy úshin Úkimet ekinshi jarty jyldyqta birinshi jartyjyldyqqa qaraǵanda 1 trillion teńgege kem munai aqshasyn paidalanýy kerek bolady. Qazirdiń ózinde bul ekitalai kórinedi", - deidi sarapshy.
Onyń aitýynsha, biýdjetten bólingen aqshany da az jumsaǵan: 12,9 trillionnyń ornyna 11,8 trln teńge. Tapshylyq 1,5 trillion teńgeni qurady.
"Negizgi salyq túsimderi, ásirese QQS, jospardan qalys qalýda, munyń ózi dabyldy jat. Biýdjettiń shyǵys bóliginiń de tolyq oryndalmaǵany baiqalady. Biýdjettik josparlaýdy neǵurlym naqty etý, qarajattyń ýaqtyly igerilýin qamtamasyz etý jáne salyq bazasyn keńeitý arqyly transfertterge táýeldilikti azaitý qajet", - deidi Rýslan Sultanov.
Buǵan deiin saitymyzda "Sarapshy 2026-2027 jyldarǵa arnalǵan makroekonomikalyq boljammen bólisti" degen maqala jariialanǵan bolatyn.
