Úkimet Kaspiidi zertteýge jáne saqtaýǵa 1,1 mlrd teńge bóldi, dep habarlaidy Dalanews.kz.
Prezidenttiń Kaspiidi zerdeleý jáne saqtaý, sondai-aq, óńirdiń ekologiialyq turaqtylyǵyn qoldaý jónindegi tapsyrmasyn oryndaý sheńberinde Úkimet rezervinen "Kaspii teńizi Qazaq ǵylymi-zertteý institýty" AQ-ǵa 1,1 mlrd teńge bólingen.
Tiisti qaýlyǵa premer-ministr Oljas Bektenov qol qoidy. Qarjylandyrý institýttyń ǵylymi áleýetin jaqsartýǵa yqpal etedi. Qarajatqa teńizde monitoring júrgizý úshin negizgi jabdyqtardy satyp alý jáne gidrobiologiialyq, gidrohimiialyq zerthanalardy jaraqtandyrý josparlanyp otyr.
Osy qaýlyny júzege asyrý úshin Ekologiia jáne tabiǵi resýrstar ministrligine barlyq sharany qabyldaý, Qarjy ministrligine biýdjet qarajaty maqsatty paidalanylýyn qatań baqylaý tapsyryldy.
