Ulttyq ekonomika ministri Álibek Qýantyrovtyń aitýynsha, JUJ jobasy kelesi baǵyttar boiynsha 109 is-sharany oryndaýdy qarastyrady: jańa konomikalyq saiasat, naqty sektordy damytý, el bolashaǵyna strategiialyq investitsiialar, memlekettik basqarýdy qaita júkteý, zań jáne tártip.
Máselen, «Aýyldyq densaýlyq saqtaýdy jańǵyrtý» ulttyq jobasyn iske qosý jáne jalpy meditsinalyq infraqurylymdy keshendi jaqsartý boiynsha sharalar ázirleý josparlanyp otyr. Jańa «Jaily mektep» ulttyq jobasy aiasynda 2025 jylǵa deiin 800 myń oqýshyǵa arnalǵan mektepter salynady.
Budan basqa, áielderdiń zeinetkerlik jasyn 2028 jylǵa deiin joǵarylatýǵa (61 jasty belgilei otyryp) moratorii engizý jáne 2023 jylǵy 1 qańtardan bastap bala kútimi boiynsha tólemder berý uzaqtyǵyn 1,5 jasqa deiin ulǵaitý jónindegi zańnamalyq túzetýler qabyldanatyn bolady.
2024 jyldyń 1 qańtarynan bastap «Ulttyq qor – balalarǵa» jobasy iske qosylady dep kútiledi, onyń aiasynda balalardyń arnaiy jinaqtaýshy shottaryna Ulttyq qordyń jyl saiynǵy investitsiialyq kirisiniń 50%-yn baǵyttaý josparlanyp otyr. Bul qarajatty 18 jasqa tolǵanda turǵyn úi satyp alýǵa jáne bilim alýǵa paidalanýǵa bolady.
Sonymen qatar satyp alynatyn taýarlardyń, jumystar men kórsetiletin qyzmetterdiń sapasyn arttyrý úshin «Memlekettik satyp alý týraly» zańdy jańartý, «Samuryq-Qazyna» qorynyń qyzmetin qaita formattaý, sondai-aq AEA, agroónerkásip kesheni men sý salasy qyzmetiniń tiimdiligin arttyrý úshin sharalar qabyldaý josparda bar.
Oǵan qosa, jańa Salyq, Biýdjet jáne Qala qurylysy kodeksteri ázirlenetin bolady.
Premer-Ministr Joldaýdy iske asyrý jónindegi Jalpyulttyq is-sharalar josparynyń jobasynda Memleket basshysy aiqyndaǵan mindetterdiń barlyǵy qamtylǵanyn atap ótti. Ol halyq pen biznestiń ózekti problemalaryn sheshýge baǵyttalǵan.
Jospar baǵany retteý, salyqtyq jáne kedendik ákimshilendirý, biýdjet protsesterin jeńildetý, kásipkerlikti qoldaý, avtomobil joldaryn salý, zań ústemdigi men sot tóreligin qamtamasyz etý, qoǵamdyq qaýipsizdikti kúsheitý siiaqty salalardy qozǵaidy.
«Jospardyń mańyzdy bóligi áleýmettik damý, densaýlyq saqtaý jáne bilim berý boiynsha keshendi ári júieli sharalardy qamtamasyz etýge baǵyttalǵan. Jalpy ony iske asyrý ekonomikany sapaly damytýǵa jáne halyqtyń ál-aýqatyn arttyrýǵa múmkindik beredi» dedi Álihan Smaiylov.
Talqylaý qorytyndysy boiynsha Úkimet usynylǵan qujat jobasyn maquldady.
Premer-Ministr barlyq memlekettik organdar men ákimdikterge Jalpyulttyq jospardy oryndaýǵa shuǵyl kirisýdi tapsyrdy.
