Premer-Ministr Oljas Bektenovtiń tóraǵalyǵymen ótken Úkimet otyrysynda 2025 jyldyń alǵashqy jartyjyldyǵyndaǵy áleýmettik-ekonomikalyq damý qorytyndylary qaraldy. Jiynda oblys ákimi Berik Ýáli óńirdiń áleýmettik-ekonomikalyq kórsetkishteri týraly baiandama jasady,- dep habarlaidy Dalanews.kz
Oblystyń qysqa merzimdi ekonomikalyq indikatory 103,7 paiyzdy qurady. Bul – Ulttyq damý jospary boiynsha mejelengen 103,6 paiyzdyq kórsetkishten joǵary. Kólik salasynda – 119,6%, qurylysta – 117,4%, bailanysta – 108,3%, ishki saýdada – 108,3%, aýyl sharýashylyǵynda – 104,1%, ónerkásipte – 101,1% ósim bar.
Biyl jalpy quny 31,1 mlrd teńge bolatyn 10 investitsiialyq joba júzege asyrylyp, 767 jumys orny ashylady. Búginde quny 1 mlrd teńge bolatyn «Eastern Gold» altyn óndirý fabrikasy iske qosyldy. Qazirgi ýaqytta Ulttyq tsifrlyq investitsiialyq platformaǵa jalpy quny 2,7 trln teńge bolatyn 38 joba engizilgen. Bul jobalar aiasynda 8 myńnan astam turaqty jumys orny qurylmaq.
Semeidegi «Óndiris» indýstriialyq aimaǵynda 4 joba júzege asýda. Aimaqtyń 80 paiyzy igerilgen. Investorlardyń qyzyǵýshylyǵyna bailanysty onyń aýmaǵyn 600 gektarǵa deiin ulǵaitý josparlanǵan.
Aýyl sharýashylyǵynda sýarmaly jerlerdi ulǵaitý jumystary jalǵasyp jatyr. Qazir oblysta 113,4 myń ga sýarmaly jer bar. 2024-2028 jyldarǵa arnalǵan respýblikalyq keshendi jospar aiasynda 6 sý qoimasy salynyp, qosymsha 31 myń ga jer ainalymǵa engiziledi. Ertis ózeniniń áleýetin tiimdi paidalaný arqyly bul kórsetkish taǵy 70 myń gektarǵa ulǵaiady. Nátijesinde sýarmaly jer kólemi 214,4 myń gektarǵa jetedi.
Semei qalasynda jańa ákimshilik-iskerlik ortalyqtyń qurylysy josparlanýda. Myń gektar aýmaqty qamtityn joba aiasynda 75 myń adamǵa arnalǵan turǵyn úiler jáne 40-tan astam áleýmettik, kommertsiialyq jáne ákimshilik nysandar salynady.
Alakól týristik aimaǵyna qatysty arnaiy bas jospar ázirlenip jatyr. Qujatta qabyldaý qýatyn 15 myńnan 90 myń adamǵa deiin arttyrý jáne jaǵalaýdy 4 shaqyrymnan 19 shaqyrymǵa deiin uzartý kózdelgen.
Oblysta óńirge investitsiia tartý jumystary jalǵasýda.
«Maýsym aiynda ótken «Týǵan jerge týyńdy tik» investitsiialyq forýmynda 15 memorandýmǵa qol qoiyldy. Sondai-aq, Qytai Halyq Respýblikasymen jalpy quny 1,5 mlrd AQSh dollarynan asatyn 20 kelisimge qol qoiylyp, halyqaralyq yntymaqtastyqty arttyrý jumystary jalǵasyp keledi. Munyń bári aldaǵy ýaqytta óz nátijesin beredi dep oilaimyz. Oblys ákimdigi óńirdiń ekonomikalyq ósimin saqtaýǵa bar kúsh-jigerin salatyn bolady. Aldymyzǵa qoiylǵan mindetterdi ýaqtyly oryndaityn bolamyz», – dedi aimaq basshysy Úkimet otyrysynda.
Úkimet basshysy Oljas Bektenov Abai oblysyna jan-jaqty qoldaý kórsetiletinin jetkizdi.
«Úkimet múshelerine aitatynym – Abai oblysyn qoldaý kerek. Jańadan qurylǵan óńir. Respýblikalyq biýdjetten jiberiletin qarajattyń kólemi jetkiliksiz. Sonyń bárin eskerip, qarjylandyrý kólemin arttyrý kerek» – dedi Premer-ministr.
