Eńbek jáne halyqty áleýmettik qorǵaý ministrligi «dekretke millionmen» shyǵý múmkindigin alyp tastaidy. Iaǵni júktilik pen bosanýǵa, sondai-aq 1,5 jasqa deiingi bala kútimine bailanysty tólemderdi esepteý erejelerine ózgerister engizdi, – dep habarlaidy Dalanews.kz "Kýrsiv" basylymyna siltep.
Ministrlik mundai qadamǵa el arasynda «dekretke millionmen» dep atalyp ketken tásil, iaǵni kóbirek tólem alý úshin tabysyn arttyrý jaǵdailarynyń jiilep ketýinen keiin barǵan. Jańa ereje 8 sáýirden bastap kúshine enedi.
Mynadai ózgerister bolmaq:
1. Bala kútimi boiynsha birjolǵy tólem (halyq arasynda – dekrettik tólem atalyp ketken soma). Buryn áieldiń birneshe jumysy bolsa (mysaly, eki qyzmettik jumys jáne jeke kásipkerligi), árqaisynan maksimaldy tólem alýǵa múmkindigi bar edi. Endi jalpy soma 2 249 100 teńgeden aspaýy kerek.
Óitkeni endi tabysty eseptegende, 7 eń tómengi jalaqyǵa (ETJ) deiingi soma ǵana eskeriledi. 2025 jyly bul – aiyna 595 000 teńge. Eger tabys odan joǵary bolsa nemese birneshe jumysy bolsa da, báribir eń kóbi 595 myń teńge retinde esepteledi.
2. 1,5 jasqa deiingi bala kútimine ai saiynǵy tólemder. Buryn dekrettik demalysqa shyqqannan keiin, keibir áielder aýdarymdaryn jalǵastyryp, tólem mólsherin arttyrý múmkindigin qoldanatyn. Endi bul ádis istemeidi, qosymsha aýdarymdar esepke alynbaidy.
