Úkimet BJZQ-daǵy zeinetaqy aktivterin salýǵa bolatyn qarjy quradarynyń tizimin bekitetinin qaýly jobasyn ázirledi. Endi olardyń arasynan dástúrli emes qarjy quraldaryn da kezdestirýge bolady, dep habarlaidy Dalanews.kz.
Jańa qaýly, negizinen, Ulttyq Banktiń senimgerlik basqarýyndaǵy BJZQ aktivterine qatysty. Investitsiialyq sheshimder tizimin arnaiy maqsattaǵy kompaniialardyń aktsiialary men úlesteri, baǵaly qaǵazdardy kepil arqyly qaryzǵa berý operatsiialary jáne basqa da balamaly quraldar esebinen keńeitý josparlanýda. Joba zeinetaqy aktivteriniń uzaq merzimdi kiristiligin arttyrýy tiis dep kútiledi.
"Jobada Qazaqstan Respýblikasy Ulttyq Bankiniń senimgerlik basqarýyndaǵy biryńǵai jinaqtaýshy zeinetaqy qorynyń zeinetaqy aktivteri esebinen satyp alýǵa ruqsat etilgen qarjy quraldarynyń tizbesin oǵan balama quraldar, arnaiy maqsattaǵy kompaniialar men áriptestikterdiń (Special Purpose Vehicle) aktsiialary men úlesteri jáne baǵaly qaǵazdardy kepil arqyly qaryzǵa berý operatsiialary (Securities Lending) siiaqty qosymsha investitsiialaý quraldaryn qosý bóliginde keńeitý kózdeledi. Jobany qabyldaý Qazaqstan Respýblikasy Ulttyq Bankiniń senimgerlik basqarýyndaǵy biryńǵai jinaqtaýshy zeinetaqy qorynyń zeinetaqy aktivteriniń kiristiligin uzaq merzimdi kezeńde arttyrý maqsatynda qajet", dep túsindiredi Ulttyq Banktegiler.
Balama investitsiialar – bul jeke kapital qorlary (private equity), infraqurylym jáne jyljymaityn múlik qorlary jáne hedj-qorlar siiaqty dástúrli emes qarjy quraldaryna salynǵan investitsiialar kiredi. Bul aktivter joǵary kiristilik áleýetine ie jáne táýekelderdi ártaraptandyrýǵa yqpal etedi.
Arnaiy maqsattaǵy kompaniialar men áriptestiktiń aktsiialary men úlesterin arnaiy maqsattaǵy kompaniialarǵa (SPV) investitsiialaý úshin paidalaný kózdeledi. Olar belgili bir tapsyrma úshin jasalady, mysaly, jobaǵa nemese aktivke investitsiia salý úshin.
Baǵaly qaǵazdardy kepil arqyly qaryzǵa berý operatsiialary berilgen baǵaly qaǵazdardy mindetti túrde qaitarý nemese olardyń qunyn óteý talaby boiynsha júzege asyrylady. Qaryz alýshy baǵaly qaǵazdardy paidalanǵany úshin komissiia tóleidi, sondai-aq basqa baǵaly qaǵazdar men aqshalai qarajat túrinde qamtamasyz etýdi usynady.
Jańa quraldar BJZQ zeinetaqy aktivteriniń investitsiialyq profiline sáikes keledi jáne olardyń uzaq merzimdi sipaty men ruqsat etilgen jalpy táýekel deńgeiin eskeredi. Atalǵan quraldar zeinetaqy jinaqtarynyń uzaqmerzimdi perspektivada tabysyn arttyrýǵa baǵyttalǵan.
Qujat 6 qazanǵa deiin qoǵamdyq talqy úshin "Ashyq NQA" portalyna ornalastyrylǵan.
Aita ketsek, 2025 jyldyń 1 tamyzdaǵy derek boiynsha, Ulttyq Banktiń senimgerlik basqarýyndaǵy BJZQ zeinetaqy aktivteriniń somasy 24,3 trln teńgeni qurady.
Buǵan deiin áleýmettik osal toptarǵa jatatyn tulǵalar birjolǵy zeinetaqy tólemderi túrinde salyq salynatyn tabysqa standartty salyq shegerimderin qoldanýǵa quqyly ekenin, sondyqtan 2021-2023 jyldary baspanaǵa jáne (nemese) emdelýge aqsha alǵan osy sanaǵatty azamattar jeke tabys salyǵyn keri qaitara alatynyn jazǵanbyz.
