Qazaqstan Respýblikasy Premer-ministriniń orynbasary Ermek Kósherbaev Abai oblysyna jumys saparymen kelip, Abaidyń 180 jyldyq mereitoiyna daiyndyq barysyn tekserdi,- dep habarlaidy Dalanews.kz
Mereitoi aiasyndaǵy negizgi is-sharalar ótetin orynnyń biri - Abai aýdanynyń Qaraýyl aýyly janyndaǵy Qaraýyltóbe. Oblys ákimi Berik Ýáli osy jerde mereitoiǵa daiyndyq barysy týraly baiandady. Munda 400 kórermenge arnalǵan úlken dala sahnasy, at jarysyna arnalǵan sheńber, kiiz úiler qalashyǵy, kásipkerlerge arnalǵan 2500 sharshy metrlik saýda aimaǵy, sonymen qatar jaryq, sý, káriz jelileri men sanitarlyq infraqurylym qarastyrylǵan. Qazirgi ýaqytta qosymsha joldar salynyp jatyr.
Qaraýyltóbege 184 kiiz úi ornatylady. Arnaiy jabdyqtalǵan dárethanalar qoiylyp, elektr jelisi tartylyp, jaryq shamdary ornatyldy. Mereitoi qarsańynda Jidebai mýzei-qoryǵy aýmaǵynda internet jelisi iske qosyldy. Antennalyq matchty qurylǵy búgin Bórili eldi-mekenine qoiyldy.
Ermek Kósherbaev Qaraýyl aýylyndaǵy Abai saiabaǵynda da boldy. Jalpy aýdany 15 gektardy quraityn bul saiabaq 2020 jyly aqynnyń 175 jyldyǵyna orai salynǵan. Qazirgi tańda munda abattandyrý jáne kógaldandyrý jumystary júrgizilip jatyr. Mereitoi aiasynda osy saiabaqta respýblikalyq «Jeti qazyna» festivaliniń ashylý saltanaty, sondai-aq «Sulý áiel» jáne «Er jigit» saiystary ótedi.
Ermek Kósherbaev «Abai-Shákárim» memorialdyq kesheninde atqarylyp jatqan qalpyna keltirý jumystarynyń barysymen de tanysty. «Qazrestavratsiia» mekemesi kesenelerdi aǵartý, elektr jaryǵyn jáne syrtqy baǵanalardy qalpyna keltirý, syrlaý-boiaý, aqparattyq jolnusqa belgilerdi ornatý jumystaryn aiaqtaýǵa jaqyn.
Úkimet basshysynyń orynbasary Ermek Kósherbaev Abai aýdanyndaǵy mereitoiǵa daiyndyq sharalaryna oń baǵasyn berip, qalǵan jumysty sapaly jáne belgilengen merzimde aiaqtaýdy tapsyrdy.
