قازاقستان رەسپۋبليكاسى پرەمەر-مينيسترٸنٸڭ ورىنباسارى ەرمەك كٶشەرباەۆ اباي وبلىسىنا جۇمىس ساپارىمەن كەلٸپ, ابايدىڭ 180 جىلدىق مەرەيتويىنا دايىندىق بارىسىن تەكسەردٸ,- دەپ حابارلايدى Dalanews.kz
مەرەيتوي اياسىنداعى نەگٸزگٸ ٸس-شارالار ٶتەتٸن ورىننىڭ بٸرٸ - اباي اۋدانىنىڭ قاراۋىل اۋىلى جانىنداعى قاراۋىلتٶبە. وبلىس ەكٸمٸ بەرٸك ۋەلي وسى جەردە مەرەيتويعا دايىندىق بارىسى تۋرالى باياندادى. مۇندا 400 كٶرەرمەنگە ارنالعان ٷلكەن دالا ساحناسى, ات جارىسىنا ارنالعان شەڭبەر, كيٸز ٷيلەر قالاشىعى, كەسٸپكەرلەرگە ارنالعان 2500 شارشى مەترلٸك ساۋدا ايماعى, سونىمەن قاتار جارىق, سۋ, كەرٸز جەلٸلەرٸ مەن سانيتارلىق ينفراقۇرىلىم قاراستىرىلعان. قازٸرگٸ ۋاقىتتا قوسىمشا جولدار سالىنىپ جاتىر.
قاراۋىلتٶبەگە 184 كيٸز ٷي ورناتىلادى. ارنايى جابدىقتالعان دەرەتحانالار قويىلىپ, ەلەكتر جەلٸسٸ تارتىلىپ, جارىق شامدارى ورناتىلدى. مەرەيتوي قارساڭىندا جيدەباي مۋزەي-قورىعى اۋماعىندا ينتەرنەت جەلٸسٸ ٸسكە قوسىلدى. انتەننالىق ماتچتى قۇرىلعى بٷگٸن بٶرٸلٸ ەلدٸ-مەكەنٸنە قويىلدى.
ەرمەك كٶشەرباەۆ قاراۋىل اۋىلىنداعى اباي ساياباعىندا دا بولدى. جالپى اۋدانى 15 گەكتاردى قۇرايتىن بۇل ساياباق 2020 جىلى اقىننىڭ 175 جىلدىعىنا وراي سالىنعان. قازٸرگٸ تاڭدا مۇندا اباتتاندىرۋ جەنە كٶگالداندىرۋ جۇمىستارى جٷرگٸزٸلٸپ جاتىر. مەرەيتوي اياسىندا وسى ساياباقتا رەسپۋبليكالىق «جەتٸ قازىنا» فەستيۆالٸنٸڭ اشىلۋ سالتاناتى, سونداي-اق «سۇلۋ ەيەل» جەنە «ەر جٸگٸت» سايىستارى ٶتەدٸ.
ەرمەك كٶشەرباەۆ «اباي-شەكەرٸم» مەموريالدىق كەشەنٸندە اتقارىلىپ جاتقان قالپىنا كەلتٸرۋ جۇمىستارىنىڭ بارىسىمەن دە تانىستى. «قازرەستاۆراتسييا» مەكەمەسٸ كەسەنەلەردٸ اعارتۋ, ەلەكتر جارىعىن جەنە سىرتقى باعانالاردى قالپىنا كەلتٸرۋ, سىرلاۋ-بوياۋ, اقپاراتتىق جولنۇسقا بەلگٸلەردٸ ورناتۋ جۇمىستارىن اياقتاۋعا جاقىن.
ٷكٸمەت باسشىسىنىڭ ورىنباسارى ەرمەك كٶشەرباەۆ اباي اۋدانىنداعى مەرەيتويعا دايىندىق شارالارىنا وڭ باعاسىن بەرٸپ, قالعان جۇمىستى ساپالى جەنە بەلگٸلەنگەن مەرزٸمدە اياقتاۋدى تاپسىردى.
