Premer-ministr Oljas Bektenov "AMANAT" partiiasy fraktsiiasynyń keńeitilgen otyrysynda Parlamentke aldaǵy úsh jylǵa arnalǵan biýdjet jobasyn usyndy. Sonymen birge ol ekonomikanyń damý boljamyn da tanystyrdy, dep habarlaidy Dalanews.kz.
Úkimet dereginshe, bazalyq stsenarii saqtalǵan jaǵdaida, 2025–2027 jyldar aralyǵynda JIÓ-niń ortasha jyldyq ósimi 5,3 paiyz deńgeiinde bolmaq.
Al shyǵyndardy ońtailandyrý maqsatynda Úkimet jalpy somasy 8 trln teńgeden asatyn ótinimderdi qysqartyp tastaǵan.
"Biýdjet shyǵyndaryn azaitý qajettigin túsinip otyrmyz. Máselen, 2025 jylǵy biýdjetti qalyptastyrý barysynda mańyzy tómen, jalpy somasy 8 trln teńgege jýyq ótinimder alynyp tastaldy. Jalpy 34 trln teńge kóleminde ótinim kelip tústi, sonyń ishinde biz 25 trln 700 mlrd teńgesin ǵana qanaǵattandyrdyq", – dedi Bektenov.
