پرەمەر-مينيستر ولجاس بەكتەنوۆ "AMANAT" پارتيياسى فراكتسيياسىنىڭ كەڭەيتٸلگەن وتىرىسىندا پارلامەنتكە الداعى ٷش جىلعا ارنالعان بيۋدجەت جوباسىن ۇسىندى. سونىمەن بٸرگە ول ەكونوميكانىڭ دامۋ بولجامىن دا تانىستىردى, دەپ حابارلايدى Dalanews.kz.
ٷكٸمەت دەرەگٸنشە, بازالىق ستسەناريي ساقتالعان جاعدايدا, 2025–2027 جىلدار ارالىعىندا جٸٶ-نٸڭ ورتاشا جىلدىق ٶسٸمٸ 5,3 پايىز دەڭگەيٸندە بولماق.
ال شىعىنداردى وڭتايلاندىرۋ ماقساتىندا ٷكٸمەت جالپى سوماسى 8 ترلن تەڭگەدەن اساتىن ٶتٸنٸمدەردٸ قىسقارتىپ تاستاعان.
"بيۋدجەت شىعىندارىن ازايتۋ قاجەتتٸگٸن تٷسٸنٸپ وتىرمىز. مەسەلەن, 2025 جىلعى بيۋدجەتتٸ قالىپتاستىرۋ بارىسىندا ماڭىزى تٶمەن, جالپى سوماسى 8 ترلن تەڭگەگە جۋىق ٶتٸنٸمدەر الىنىپ تاستالدى. جالپى 34 ترلن تەڭگە كٶلەمٸندە ٶتٸنٸم كەلٸپ تٷستٸ, سونىڭ ٸشٸندە بٸز 25 ترلن 700 ملرد تەڭگەسٸن عانا قاناعاتتاندىردىق", – دەدٸ بەكتەنوۆ.
