Bul týraly sot zalynan kaz.tengrinews.kz tilshisi habarlady. Sot úkimi Astana qalasynyń Mamandandyrylǵan aýdanaralyq áskeri sotynda oqyldy.
Sýdia Erbol Ahmetjanov úkim shyǵardy. Toqtar Tóleshov 21 jylǵa bas bostandyǵynan aiyryldy. Sondai-aq, Tóleshov Qurmet ordeni men sheninen aiyryldy.
Tóleshovpen qatar, sot aldyna basqa sottalýshylar da keldi, olar memlekettik qyzmetke qatysy bar adamdar. Olardyń ishinde áskeri bólimniń eki basshysy bar, sonymen qatar, OQO IID basshysynyń burynǵy orynbasary bar. Sondai-aq Toqtar Tóleshovtyń uly - Tólegen de sot aldyna keldi.
Sottalýshylar sot ǵimaratyna osy kóliktermen jetkizildi. © Tengrinews.kz
Qyrkúiek aiynda bastalǵan protsess jabyq túrde ótti. Toqtar Tóleshovke qatysty is áskeri sotqa 29 tamyzda "Qupiia" degen tańbamen túsken. Iste memlekettik qupiialardyń bolýyna bailanysty sot otyrysy BAQ ókilderinsiz ótti. Jýrnalistterdi tek úkim shyǵarylatyn kúni qatystyrýǵa ruqsat berdi.
Qylmystyq istiń kólemi 300 tomdy quraǵan. Oǵan qatysty 100-ge jýyq kýáger ótip jatyr jáne 12 jábirlenýshi bar. UQK málimetinshe, Tóleshovke transulttyq qylmystyq qoǵamdastyqty qarjylandyrǵan, sonymen qatar turaqty qarýly topty quryp, basqarǵan degen aiyptar taǵylǵan. Tergeý Tóleshovtiń birqatar aýyr qylmys jáne asa aýyr qylmys jasaǵanyn anyqtaǵan.
Sonymen qatar, Tóleshovtiń uzaq ýaqyt boiy sheteldegi "Bratskii krýg" (Boljam boiynsha qylmystyq top, onyń quramynda, AQSh biliginiń pikirinshe, negizinen burynǵy KSRO elderinen shyqqandar bar) siiaqty belgili qylmystyq transulttyq qaýymdastyqtyń liderleri men basty tulǵalaryn qarjylandyryp kelgenin jáne bailanysta bolyp kelgeni habarlady. Tóleshovtiń qol astynda 90-nan asa qarýlanǵan jáne qajetti oqýdan ótken jaýynger bolǵan. Arnaiy bólimsheni syrttai zańdy etý úshin Tóleshov ol topqa arnaiy "Smersh" kúzet firmasyn, keiinnen "Vympelgrýpp" firmasyn tirkegen.
Tergeý barysynda, Tóleshovtiń uiymdasqan qylmystyq toby birneshe adamdy óltirgendigi, kisi urlaý jáne adamdardy soqqyǵa jyqqandyǵy anyqtalǵan. "Azaptaýlar men qinaýlardy Tóleshovtiń buiryǵymen fotoǵa jáne videoǵa túsirilip otyrǵan. Bul derekti málimetter tintý barysynda anyqtalyp, is materialyna jiberilgen. Túsirilgen adamdar anyqtaldy jáne olar kýáger ári jábirlenýshi retinde sotta kýálik beretin bolady", - dedi QR UQK ókili Rýslan Qarasev.
Sonymen qatar, osy atalǵandarǵa aiǵaq retinde, qylmystyq toptyń kerek-jaraǵyna Tóleshovtiń qomaqty qarajat jumsap otyrǵandyǵy anyqtaldy. Óziniń qartaiǵan shaǵynda patsha tektes ómir súrýdi qalaǵan ol QR ekinshi dárejeli bankteriniń jáne "Bratskii krýg" basshylarynyń aldynda kóp mólsherde qaryzǵa batqan. Sol jinalǵan qaryzdyń mólsheri 200 million dollarǵa jetken. Osy kezde Tóleshovtiń oiyna eldegi bilikti kúshpen tartyp alý jospary paida bolǵan", - dep jalǵady UQK ókili óz sózin.
Tergeý málimetinshe, Tóleshov óz josparlaryn sátti oryndaǵannan keiin baqylaýyndaǵy ákimshilik resýrstar arqyly iri bank qaryzy máselesin sheship alǵysy kelgen jáne osylaisha otbasy men biznesiniń jaǵdaiyn saqtap qalǵysy kelgen. "Osylaisha, memleketiń qarjy resýrstaryna qol jetkizip, baqylaýǵa alý Tóleshovke bilikti basyp alýǵa stimýl bolǵan".
"Bilikti basyp alý boiynsha josparyn júzege asyrý úshin Tóleshov bastapqyda eldegi jaǵdaidy turaqsyz etkisi kelgen. Osy maqsatta ol Qyrǵyzstanda 2005-2010 jyldar aralyǵynda bolǵan oqiǵalardy zerttegen, qajetti materialdar men kýálikterdi jinastyrǵan, tipti Qyrǵyzstanǵa barǵan. Bilikke tek jappai tártipsizdikter men halyqtyń narazylyǵyn týǵyzý arqyly ǵana kelýge bolatynyn bilgen ol bul áreketterdi Qazaqstannyń batysynda jasaý kerek degen oiǵa keledi. Tóleshov batys óńirinde narazy toptar bar dep eseptegen, oiynsha, bul toptardy óz múddesine paidalaný qolaily bolǵan, al narazylyqqa sebep retinde áleýmettik-ekonomikalyq jáne basqa da máselelerdi qarastyrǵan. Aidap salý aktsiialary men jappai tártipsizdiktermen qatar ol qazirgi bilikke ýltimatým qoiyp, ózin vitse-prezident etip sailaýdy talap etkisi kelgen, al keiin el basqarǵysy kelgen. Al daiyndyq barysy ótken jyly bastalǵan. Tóleshovtiń ainalasyndaǵylardyń ishinde kýágerler bar, olar osylai aityp otyr.
UQK ókili Rýslan Qarasev Qazaqstanda Tóleshovtiń "Shymkent Syra" JShS ǵana emes jáne onyń syra zaýytynyń direktory ǵana emes, - quramyna shyny zaýyty, Ońtústik Qazaqstan agrarlyq odaǵy, "Shymkent Pikchers" kinostýdiiasy jáne taǵy da birqatar kompaniia kiretin "Darhan" iri holdinginiń qojaiyny ári jetekshisi ekenin aitty. Bul holdingtiń filialdary men kásiporyndary Reseide, Qyrǵyzstanda jáne Tájikstanda bar eken.
