بۇل تۋرالى سوت زالىنان kaz.tengrinews.kz ءتىلشىسى حابارلادى. سوت ۇكىمى استانا قالاسىنىڭ مامانداندىرىلعان اۋدانارالىق اسكەري سوتىندا وقىلدى.
سۋديا ەربول احمەتجانوۆ ۇكىم شىعاردى. توقتار تولەشوۆ 21 جىلعا باس بوستاندىعىنان ايىرىلدى. سونداي-اق، تولەشوۆ قۇرمەت وردەنى مەن شەنىنەن ايىرىلدى.
تولەشوۆپەن قاتار، سوت الدىنا باسقا سوتتالۋشىلار دا كەلدى، ولار مەملەكەتتىك قىزمەتكە قاتىسى بار ادامدار. ولاردىڭ ىشىندە اسكەري ءبولىمنىڭ ەكى باسشىسى بار، سونىمەن قاتار، وقو ءىىد باسشىسىنىڭ بۇرىنعى ورىنباسارى بار. سونداي-اق توقتار تولەشوۆتىڭ ۇلى - تولەگەن دە سوت الدىنا كەلدى.
سوتتالۋشىلار سوت عيماراتىنا وسى كولىكتەرمەن جەتكىزىلدى. © Tengrinews.kz
قىركۇيەك ايىندا باستالعان پروسەسس جابىق تۇردە ءوتتى. توقتار تولەشوۆكە قاتىستى ءىس اسكەري سوتقا 29 تامىزدا "قۇپيا" دەگەن تاڭبامەن تۇسكەن. ىستە مەملەكەتتىك قۇپيالاردىڭ بولۋىنا بايلانىستى سوت وتىرىسى ب ا ق وكىلدەرىنسىز ءوتتى. جۋرناليستتەردى تەك ۇكىم شىعارىلاتىن كۇنى قاتىستىرۋعا رۇقسات بەردى.
قىلمىستىق ءىستىڭ كولەمى 300 تومدى قۇراعان. وعان قاتىستى 100-گە جۋىق كۋاگەر ءوتىپ جاتىر جانە 12 جابىرلەنۋشى بار. ۇقك مالىمەتىنشە، تولەشوۆكە ترانسۇلتتىق قىلمىستىق قوعامداستىقتى قارجىلاندىرعان، سونىمەن قاتار تۇراقتى قارۋلى توپتى قۇرىپ، باسقارعان دەگەن ايىپتار تاعىلعان. تەرگەۋ تولەشوۆتىڭ ءبىرقاتار اۋىر قىلمىس جانە اسا اۋىر قىلمىس جاساعانىن انىقتاعان.
سونىمەن قاتار، تولەشوۆتىڭ ۇزاق ۋاقىت بويى شەتەلدەگى "براتسكيي كرۋگ" (بولجام بويىنشا قىلمىستىق توپ، ونىڭ قۇرامىندا، اقش بيلىگىنىڭ پىكىرىنشە، نەگىزىنەن بۇرىنعى كسرو ەلدەرىنەن شىققاندار بار) سياقتى بەلگىلى قىلمىستىق ترانسۇلتتىق قاۋىمداستىقتىڭ ليدەرلەرى مەن باستى تۇلعالارىن قارجىلاندىرىپ كەلگەنىن جانە بايلانىستا بولىپ كەلگەنى حابارلادى. تولەشوۆتىڭ قول استىندا 90-نان اسا قارۋلانعان جانە قاجەتتى وقۋدان وتكەن جاۋىنگەر بولعان. ارنايى بولىمشەنى سىرتتاي زاڭدى ەتۋ ءۇشىن تولەشوۆ ول توپقا ارنايى "سمەرش" كۇزەت فيرماسىن، كەيىننەن "ۆىمپەلگرۋپپ" فيرماسىن تىركەگەن.
تەرگەۋ بارىسىندا، تولەشوۆتىڭ ۇيىمداسقان قىلمىستىق توبى بىرنەشە ادامدى ولتىرگەندىگى، كىسى ۇرلاۋ جانە ادامداردى سوققىعا جىققاندىعى انىقتالعان. "ازاپتاۋلار مەن قيناۋلاردى تولەشوۆتىڭ بۇيرىعىمەن فوتوعا جانە ۆيدەوعا ءتۇسىرىلىپ وتىرعان. بۇل دەرەكتى مالىمەتتەر ءتىنتۋ بارىسىندا انىقتالىپ، ءىس ماتەريالىنا جىبەرىلگەن. تۇسىرىلگەن ادامدار انىقتالدى جانە ولار كۋاگەر ءارى جابىرلەنۋشى رەتىندە سوتتا كۋالىك بەرەتىن بولادى"، - دەدى ق ر ۇقك وكىلى رۋسلان قاراسيەۆ.
سونىمەن قاتار، وسى اتالعاندارعا ايعاق رەتىندە، قىلمىستىق توپتىڭ كەرەك-جاراعىنا تولەشوۆتىڭ قوماقتى قاراجات جۇمساپ وتىرعاندىعى انىقتالدى. ءوزىنىڭ قارتايعان شاعىندا پاتشا تەكتەس ءومىر ءسۇرۋدى قالاعان ول ق ر ەكىنشى دارەجەلى بانكتەرىنىڭ جانە "براتسكيي كرۋگ" باسشىلارىنىڭ الدىندا كوپ مولشەردە قارىزعا باتقان. سول جينالعان قارىزدىڭ مولشەرى 200 ميلليون دوللارعا جەتكەن. وسى كەزدە تولەشوۆتىڭ ويىنا ەلدەگى بيلىكتى كۇشپەن تارتىپ الۋ جوسپارى پايدا بولعان"، - دەپ جالعادى ۇقك وكىلى ءوز ءسوزىن.
تەرگەۋ مالىمەتىنشە، تولەشوۆ ءوز جوسپارلارىن ءساتتى ورىنداعاننان كەيىن باقىلاۋىنداعى اكىمشىلىك رەسۋرستار ارقىلى ءىرى بانك قارىزى ماسەلەسىن شەشىپ العىسى كەلگەن جانە وسىلايشا وتباسى مەن بيزنەسىنىڭ جاعدايىن ساقتاپ قالعىسى كەلگەن. "وسىلايشا، مەملەكەتىڭ قارجى رەسۋرستارىنا قول جەتكىزىپ، باقىلاۋعا الۋ تولەشوۆكە بيلىكتى باسىپ الۋعا ستيمۋل بولعان".
"بيلىكتى باسىپ الۋ بويىنشا جوسپارىن جۇزەگە اسىرۋ ءۇشىن تولەشوۆ باستاپقىدا ەلدەگى جاعدايدى تۇراقسىز ەتكىسى كەلگەن. وسى ماقساتتا ول قىرعىزستاندا 2005-2010 جىلدار ارالىعىندا بولعان وقيعالاردى زەرتتەگەن، قاجەتتى ماتەريالدار مەن كۋالىكتەردى جيناستىرعان، ءتىپتى قىرعىزستانعا بارعان. بيلىككە تەك جاپپاي تارتىپسىزدىكتەر مەن حالىقتىڭ نارازىلىعىن تۋعىزۋ ارقىلى عانا كەلۋگە بولاتىنىن بىلگەن ول بۇل ارەكەتتەردى قازاقستاننىڭ باتىسىندا جاساۋ كەرەك دەگەن ويعا كەلەدى. تولەشوۆ باتىس وڭىرىندە نارازى توپتار بار دەپ ەسەپتەگەن، ويىنشا، بۇل توپتاردى ءوز مۇددەسىنە پايدالانۋ قولايلى بولعان، ال نارازىلىققا سەبەپ رەتىندە الەۋمەتتىك-ەكونوميكالىق جانە باسقا دا ماسەلەلەردى قاراستىرعان. ايداپ سالۋ اكسيالارى مەن جاپپاي تارتىپسىزدىكتەرمەن قاتار ول قازىرگى بيلىككە ۋلتيماتۋم قويىپ، ءوزىن ۆيسە-پرەزيدەنت ەتىپ سايلاۋدى تالاپ ەتكىسى كەلگەن، ال كەيىن ەل باسقارعىسى كەلگەن. ال دايىندىق بارىسى وتكەن جىلى باستالعان. تولەشوۆتىڭ اينالاسىنداعىلاردىڭ ىشىندە كۋاگەرلەر بار، ولار وسىلاي ايتىپ وتىر.
ۇقك وكىلى رۋسلان قاراسيەۆ قازاقستاندا تولەشوۆتىڭ "شىمكەنت سىرا" ج ش س عانا ەمەس جانە ونىڭ سىرا زاۋىتىنىڭ ديرەكتورى عانا ەمەس، - قۇرامىنا شىنى زاۋىتى، وڭتۇستىك قازاقستان اگرارلىق وداعى، "شىمكەنت پيكچەرس" كينوستۋدياسى جانە تاعى دا ءبىرقاتار كومپانيا كىرەتىن "دارحان" ءىرى حولدينگىنىڭ قوجايىنى ءارى جەتەكشىسى ەكەنىن ايتتى. بۇل حولدينگتىڭ فيليالدارى مەن كاسىپورىندارى رەسەيدە، قىرعىزستاندا جانە تاجىكستاندا بار ەكەن.
