Eks-prezident Nursultan Nazarbaevtyń baspasóz hatshysy Aidos Úkibai Sara Nazarbaevanyń densaýlyǵyna qatysty suraqqatjaýap berdi, dep habarlaidy Dalanews.kz.
Úkibaidyń sózinshe, sońǵy ýaqytta keibir buqaralyq aqparat quraldarynda jáne áleýmettik jelilerde Sara Alpysqyzy Nazarbaevanyń densaýlyǵy men qazirgi jaǵdaiyna qatysty ártúrli boljamdar men shyndyqqa janaspaityn aqparattar taralyp jatyr.
"Osyǵan orai resmi túsinikteme berýdi jón dep sanaimyn: sáýir aiynan beri Sara Alpysqyzy Nazarbaeva Almaty qalasyndaǵy Prezident Is basqarmasynyń Meditsinalyq ortalyǵyna qarasty Ulttyq gospitalde josparly em qabyldap keledi. Barlyq meditsinalyq sharalar bekitilgen standarttarǵa sai, otandyq mamandardyń baqylaýymen júzege asyrylýda.
BAQ ókilderi men áleýmettik jeli qoldanýshylaryn Sara Alpysqyzynyń esimin tekserilmegen aqparatpen bailanystyrmaýǵa, negizsiz paiymdar taratýǵa jol bermeýge shaqyramyn. Málimetterdi tek resmi derekkózderden alýlaryńyzdy suraimyn", - deidi Aidos Úkibai.
