Qazaqstanda Ulttyq biryńǵai testileý formatyn halyqaralyq standarttalǵan testterge sáikes ózgertý josparlanyp otyr. Bul týraly Úkimettegi brifingte Oqý-aǵartý ministrligi Joǵary jáne joǵary oqý ornynan keiingi bilim komitetiniń tóraǵasy Gúljan Jarasova málimdedi, dep habarlaidy Dalanews.kz.
Onyń aitýynsha, qazir UBT-ny joǵary oqý oryndaryna túsý kezindegi negizgi irikteý tetigi retinde jetildirý jumystary júrip jatyr. Qazirgi format negizinen matematikalyq jáne akademiialyq saýat boiynsha analitikalyq qabiletti baǵalaýǵa baǵyttalǵan.
"Jasandy intellekt pen tsifrlyq tehnologiialar qarqyndy damyp jatqan zamanda bilim alý tásilderi de ózgerip keledi. Búginde talapkerler mektep baǵdarlamasymen shektelmei, túrli aqparat kózderin paidalanady. Sondyqtan olardyń joǵary oqý ornyna qandai deńgeidegi analitikalyq jáne syni oilaý qabiletimen keletinin anyqtaý mańyzdy", – dedi Gúljan Jarasova.
Vedomstvo ókili biyl UBT formaty ózgermeitinin naqtylady. Al kelesi jyldardan bastap test tapsyrmalary halyqaralyq standarttalǵan úlgilerge beiimdelmek. Bul júie jattap alǵan bilim kórsetkishin emes, ony tájiribede qoldaný daǵdysyn baǵalaýǵa múmkindik bermek.
Onyń aitýynsha, jańashyldyq talapkerlerge qosymsha júkteme túsirmeidi.
