Almaty ventiliator zaýytynyń (AVZ) iesi Marat Baqqulov ýaqyt beldeýin ózgertý týraly bilik sheshiminen soń ónerkásip oryny tap bolǵan problemalardy jiliktep shaǵyp aityp berdi. Ol munai aqshasynan basqany kóre qoimaityn osy sheshim egeleriniń (sheneýnikter) ózi sekildi ónerkásipterdiń jaǵdaiyna túkirgeni bar dep sanaidy, dep jazady Dalanews.kz.
Marat Baqqulovtyń Facebook-tegi bul jazbasy Forbes.kz saitynda jariialandy. Ony aýdaryp, sol qalpynda óz nazarlaryńyzǵa usynyp otyrmyz:
"Biz zaýyttaǵy jumys ýaqytyn 8:00-den 17:00-ge deiin dep aýystyrdyq. Biraq, sonyń ózi kómektespedi, óitkeni 16:00-de qas qaraia bastaidy, zaýytta jaryqty qosý kerek bolady. Ony qossaq, jaryqtyń túsý traektoriiasy basqasha. Elektr shamdaryn qaita basqalai ornatyp shyǵý kerek bolady, burynǵy ornynan birden kózge túsip, jumys protsesine kedergi keltiretin boldy. Jumysshylar sharshap qalyp jatyr, eńbek ónimdiligi de tómendedi, "brak" kóbeidi. Demek, jasaýymyz tiis ózgerister kóp, sáikesinshe shyǵyndary da. Elektr núktelerin ózgertip, qaita jasaý da qyp-qyzyl tikelei shyǵyn. Sondyqtan osy ózgeristi "usynýshylarǵa": "Aldymen saldaryn eseptep, sodan keiin nege sheshim qabyldamaisyńdar" degim keledi".
Kásipker zaýyttaǵy jumysty 7:00-den bastap, 16:00-de aiaqtaý múmkindigin de qarastyrǵandaryn aitady.
"Ony da oiladym,biraq bul arada da problema bar eken. Bizdiń elde bala týý deńgeii joǵary,meniń qyzmetkerlerimniń de kópshiliginde mektepke deiingi jáne mektep jasyndaǵy balalary bar,demek olardy balabaqshaǵa nemese mektepke aparý kerek. Solai emes pe? Al saǵat 7:00-de kim jumysqa kelgisi keledi deisiz balasyn tastap, odan da jumys ornyn aýystyra salǵan ońaiyraq,meniń áriptesterimniń bir bóligi [jumys kúniniń basy] jumys ýaqytyn 9-00-den 8:00-ge aýystyrǵanda týra solai etken. Al 20 paiyzy jumystan kete saldy. Endi saǵat 7:00-ge aýystyratyn bolsaq, onda zaýytta eshkim qalmaiyn dep tur, kim jumys isteidi sonda? Bul arada másele uiqy qanǵan-qanbaǵanda emes, balalardyń jaǵdaiy mańyzdyraq bolýynda", - deidi ol.
Kásipker jumys ýaqytyn aýystyrýǵa qatysty týyndaǵan taǵy bir máseleni baiandaidy. Onyń aitýynsha, kóptegen kompaniia, zaýyt tutynýshylary men bankter de 9:00-den 18: 00-ge deiingi jumys kestesi boiynsha jumys isteidi:
"Eger endi jumys ýaqytyn saǵat 16.00-ge shegersek, onda tapsyryssyz qalatyn túrimiz bar. Keńse men zaýyttaǵy ýaqytty da bólip qarastyrýǵa tyrystyq: biri 9:00-den, ekinshisin 8:00-den bastalatyndai etip. Ol aradan da shi shyqty. Qamsyzdandyrý bólimi, sondai-aq býhgalteriia men satý bólimi óndiristen ýaqtyly aqparat alýdy doǵardy. Qarama-qaishylyq paida boldy".
Osylaisha, AVZ basshysynyń aitýynsha, saǵatty aýystyrý "aiyna 500-800 mln teńgeniń ónimin óndiretin" bir kásiporynnyń basyna osyndai problemalar týǵyzǵan.
"Menińshe, bizge olardyń túkirgeni bar, óitkeni [munai] aidaýshylarǵa jaryq qajet emes qoi", degen Baqqulov bul arada ýaqytty aýystyrý týraly sheshim qabyldaǵan sheneýnikter týraly aityp otyrǵan sekildi.
"Biraq eger Tramp ýádesinde turyp, munai baǵasyn 40 dollarǵa deiin túsirse, múmkin biz de qajet bolyp qalarmyz, múmkin sol kezde bizben sanasa bastaityn shyǵar", - deidi zaýyt iesi.
Aita ketsek,buǵan deiin Ǵylym jáne joǵary bilim ministri Saiasat Nurbek biryńǵai ýaqyt beldeýiniń qazaqstandyqtarǵa qalai áser etip jatqanyna qatysty ǵylym zertteý júrgiziletinin málimdegen bolatyn.
