Jýrnalıs Nartaı Aralbaıuly ákimnen «Aqtóbe oblysy ákimi bolyp otyǵanda ákimdikke 1,7 mıllıon teńgege oryndyq, 500 myń teńgege ydys aldyrǵanyńyz ras pa?» dep suraıdy.
«Birinshiden ol meniń esimde joq. Ekinshiden, ondaı aqymaq emespiz ǵoı. Ony jazǵan adam dáleldesin, kim aldy, kim tapsyrys berdi, aqsha qaıdan kelipti? Olaı bolýy múmkin emes. «Tıse – tuıaqqa, tımese - butaqqa» dep aıta berýge bolmaıdy», - dep atap ótti Saparbaev Aralbaıulynyń YouTube-kanalynda bergen suhbatynda.
Ákim qazirgi tańda ǵaıbat aıtý kóbeıip ketkenin de jasyrmady. Bul tektes aıyptaýlar kórealmaýshylyqtan shyǵatynyna da nazar aýdardy.
«Halyqtyń mahabbatyna ıe bolý úshin kóp jumys isteý kerek. Eger Aqtóbe halqy meni qımaı shyǵaryp salyp jatsa, osy ýaqytqa deıin meniń artymnan Aqtóbeden bir sóz ermese, mynaý sońǵy áleýmettik jelide men týraly jazylǵan beıneni qalaı dep oılaısyz? Menińshe, jala japqandarǵa qatysty másele quqyqtyq turǵyda sheshilýi kerek. Solaı bolýy kerek», - dep qorytyndylady óz sózin Saparbaev.
Esterińizge sala keteıik, osydan bir apta buryn qoǵam belsendisi Janbolat Mamaı YouTube arnasynda Jambyl oblysynyń ákimi B.Saparbaev týraly aıyptaýlarmen vıdeo jarıalaǵan bolatyn.
https://www.youtube.com/watch?v=s02DcO4T1XA
