جۋرناليست نارتاي ارالباي ۇلى اكىمنەن «اقتوبە وبلىسى اكىمى بولىپ وتىعاندا اكىمدىككە 1،7 ميلليون تەڭگەگە ورىندىق، 500 مىڭ تەڭگەگە ىدىس الدىرعانىڭىز راس پا؟» دەپ سۇرايدى.
«بىرىنشىدەن ول مەنىڭ ەسىمدە جوق. ەكىنشىدەن، ونداي اقىماق ەمەسپىز عوي. ونى جازعان ادام دالەلدەسىن، كىم الدى، كىم تاپسىرىس بەردى، اقشا قايدان كەلىپتى؟ ولاي بولۋى مۇمكىن ەمەس. «تيسە – تۇياققا، تيمەسە - بۇتاققا» دەپ ايتا بەرۋگە بولمايدى»، - دەپ اتاپ ءوتتى ساپاربايەۆ ارالباي ۇلىنىڭ YouTube-كانالىندا بەرگەن سۇحباتىندا.
اكىم قازىرگى تاڭدا عايبات ايتۋ كوبەيىپ كەتكەنىن دە جاسىرمادى. بۇل تەكتەس ايىپتاۋلار كورەالماۋشىلىقتان شىعاتىنىنا دا نازار اۋداردى.
«حالىقتىڭ ماحابباتىنا يە بولۋ ءۇشىن كوپ جۇمىس ىستەۋ كەرەك. ەگەر اقتوبە حالقى مەنى قيماي شىعارىپ سالىپ جاتسا، وسى ۋاقىتقا دەيىن مەنىڭ ارتىمنان اقتوبەدەن ءبىر ءسوز ەرمەسە، مىناۋ سوڭعى الەۋمەتتىك جەلىدە مەن تۋرالى جازىلعان بەينەنى قالاي دەپ ويلايسىز؟ مەنىڭشە، جالا جاپقاندارعا قاتىستى ماسەلە قۇقىقتىق تۇرعىدا شەشىلۋى كەرەك. سولاي بولۋى كەرەك»، - دەپ قورىتىندىلادى ءوز ءسوزىن ساپاربايەۆ.
ەستەرىڭىزگە سالا كەتەيىك، وسىدان ءبىر اپتا بۇرىن قوعام بەلسەندىسى جانبولات ماماي YouTube ارناسىندا جامبىل وبلىسىنىڭ اكىمى ب.ساپاربايەۆ تۋرالى ايىپتاۋلارمەن ۆيدەو جاريالاعان بولاتىن.
https://www.youtube.com/watch؟v=s02DcO4T1XA
