Buǵan deiin Ábilov Qazaqstannan astyrtyn jolmen shyǵarylǵan aktivterdi qazynaǵa qaitarýdy kózdeitin "Elge Qaitaru" qoryn qurǵan.
Sonyń aldynda Toqaev tapsyrmasymen ótken otyz jylda zańsyz jolmen shetel asqan kapitaldy elge qaitarý jónindegi komissiia qurylǵan edi.
Ábilovtyń atap ótkenindei komissiia jetekshileriniń arasynda eski júieniń sózin sóilep, soiylyn soǵatyn shendilerbar. Sonyń biri – Bas prokýrordyń orynbasary Ulan Baijanov.
"Ol komissiianyń qatardaǵy múshesi bolsa bir jón, osy uiymnyń jetekshileriniń biri! Bul azamat uzaq jyl boiy atyshýly Timýr Qulybaevpen qoiyn-qoltyqtasyp jumys istegeni, onyń komandasynda bolǵany jasyryn emes.
Osy sebepti de Memleket basshysynan Baijanovty komissiia quramynan jedel túrde shyǵarýdy suraimyz. Komissiia sapynda áýlettiń ókili – Qulybaevtyń adamdary otyrǵanda Qazaqstannan shyǵarylǵan aktivterdi keri qaitarýda shynaiy kúres bolady degenge kúmánmen qaraimyz", – dedi qor quryltaishylarynyń biri, tirkelmegen "Bizdiń tańdaý" partiiasynyń jetekshisi Bolat Ábilov.
Biyl qańtarda iri biznes ókilderimen kezdesý kezinde prezident Qasym-Jomart Toqaev "Qazaqstan bailyǵynyń jartysynan astamy 162 adamnyń qolynda, al Qazaqstan halqynyń jartysynyń ai saiynǵy kirisi 50 myń teńgeden aspaidy" degen edi.
"Elge Qaitaru" qory ókilderi prezident osy 162 adamnyń esimin ataýdy, olar ózderi ielik etetin dúnie-múliktiń zańdy jolmen tabylǵanyn dáleldeýi kerek dep otyr.
