بۇعان دەيٸن ەبٸلوۆ قازاقستاننان استىرتىن جولمەن شىعارىلعان اكتيۆتەردٸ قازىناعا قايتارۋدى كٶزدەيتٸن "Elge Qaitaru" قورىن قۇرعان.
سونىڭ الدىندا توقاەۆ تاپسىرماسىمەن ٶتكەن وتىز جىلدا زاڭسىز جولمەن شەتەل اسقان كاپيتالدى ەلگە قايتارۋ جٶنٸندەگٸ كوميسسييا قۇرىلعان ەدٸ.
ەبٸلوۆتىڭ اتاپ ٶتكەنٸندەي كوميسسييا جەتەكشٸلەرٸنٸڭ اراسىندا ەسكٸ جٷيەنٸڭ سٶزٸن سٶيلەپ, سويىلىن سوعاتىن شەندٸلەربار. سونىڭ بٸرٸ – باس پروكۋروردىڭ ورىنباسارى ۇلان بايجانوۆ.
"ول كوميسسييانىڭ قاتارداعى مٷشەسٸ بولسا بٸر جٶن, وسى ۇيىمنىڭ جەتەكشٸلەرٸنٸڭ بٸرٸ! بۇل ازامات ۇزاق جىل بويى اتىشۋلى تيمۋر قۇلىباەۆپەن قويىن-قولتىقتاسىپ جۇمىس ٸستەگەنٸ, ونىڭ كومانداسىندا بولعانى جاسىرىن ەمەس.
وسى سەبەپتٸ دە مەملەكەت باسشىسىنان بايجانوۆتى كوميسسييا قۇرامىنان جەدەل تٷردە شىعارۋدى سۇرايمىز. كوميسسييا ساپىندا ەۋلەتتٸڭ ٶكٸلٸ – قۇلىباەۆتىڭ ادامدارى وتىرعاندا قازاقستاننان شىعارىلعان اكتيۆتەردٸ كەرٸ قايتارۋدا شىنايى كٷرەس بولادى دەگەنگە كٷمەنمەن قارايمىز", – دەدٸ قور قۇرىلتايشىلارىنىڭ بٸرٸ, تٸركەلمەگەن "بٸزدٸڭ تاڭداۋ" پارتيياسىنىڭ جەتەكشٸسٸ بولات ەبٸلوۆ.
بيىل قاڭتاردا ٸرٸ بيزنەس ٶكٸلدەرٸمەن كەزدەسۋ كەزٸندە پرەزيدەنت قاسىم-جومارت توقاەۆ "قازاقستان بايلىعىنىڭ جارتىسىنان استامى 162 ادامنىڭ قولىندا, ال قازاقستان حالقىنىڭ جارتىسىنىڭ اي سايىنعى كٸرٸسٸ 50 مىڭ تەڭگەدەن اسپايدى" دەگەن ەدٸ.
"Elge Qaitaru" قورى ٶكٸلدەرٸ پرەزيدەنت وسى 162 ادامنىڭ ەسٸمٸن اتاۋدى, ولار ٶزدەرٸ يەلٸك ەتەتٸن دٷنيە-مٷلٸكتٸڭ زاڭدى جولمەن تابىلعانىن دەلەلدەۋٸ كەرەك دەپ وتىر.
