Kásipker Timýr Turlovqa tiesili Freedom Telecom Holding Ltd "Astana" halyqaralyq qarjy ortalyǵynda (AHQO) tirkelgen Astel Group Ltd jekemenshik kompaniiasynyń 100% aktsiiasyn satyp aldy, dep habarlaidy Dalanews.kz kompaniia baspasóz qyzmetine silteme jasap.
"Jańa aktiv 11,46 mlrd teńgege satyp alyndy. Mámile 2025 jyldyń 30 sáýirinde jasaldy. Bul - telekommýnikatsiia sektorynda úlesin arttyrý jónindegi holding baǵdarlamasyn kezekti kezeńin iske asyrý bolyp tabylady. Kompaniia spýtniktik bailanys, júielik integratsiia jáne tsifrlyq sheshimderde quzyrettilikke ie. Mámile tómen orbitalyq platformalar siiaqty innovatsiialyq baǵyttardy damytýdy qosa alǵanda, tehnologiialyq múmkindikterdi barynsha keńeitýge baǵyttalǵan", - dep atap ótti kompaniiadaǵylar.
Al Astel Group Ltd 2023 jyldyń qyrkúieginde AHQO-da holdingtik kompaniia retinde tirkelgen, oǵan 1993 jyldan bastap Qazaqstanda jumys isteitin spýtniktik bailanys operatory — "Astel" AQ tiesili. "Astel" AQ-nyń negizin biznesmen jáne investor Murat Ábdirahmanov qalaǵan. Satylym kezinde onyń jáne Nina Tuńǵyshbaevanyń enshisinde Astel kompaniiasynyń 48,5% (árqaisysy óz úlesteri úshin 5,56 mlrd teńgeden aldy) jáne Vladimir Breýsovqa 3% (343,8 mln teńge) aktsiia paketi tiesili edi.
"Satyp alýshy ASTEL brendin ózgertpeidi, biraq eki kompaniianyń infraqurylymy men jelileri, iaǵni ASTEL men Freedom Telecom — "tiimdilikti arttyrý úshin sinergiiada jumys isteidi". Astel-diń uiymdastyrýshylyq modeli de, ázirshe ózgermeidi. Al bolashaqta "jańa tehnologiialardy damytýǵa jáne biznes-protsesterdi integratsiialaýǵa basa nazar aýdara otyryp, kezeń-kezeńmen transformatsiialaý protsesin júzege asyrý" josparlanǵan", delingen kompaniia habarlamasynda.
Astel-diń 19 filialy bar, sonyń ishinde Qazaqstannyń barlyq oblys ortalyqtarynda. Kompaniianyń klienttik bazasy shamamen 4 myń abonenttik terminaldy qamtidy.
Freedom Telecom - jańa optikalyq jelini nólden bastap óristetken operator. Eki jyl ishinde kompaniia 5 myń shaqyrymnan astam optikalyq jelini tartty. Sonymen qatar kompaniia áýejailarda, saýda ortalyqtarynda, aýrýhanalarda, mektepterde áleýmettik nysandarda, saiabaqtarda jáne qalalardyń serýendeý aimaqtarynda tartylǵan Open Wi-Fi-dyń ulttyq operatory bolyp tabylady. Osyndai sipattaǵy internetke degen qoljetimdilik Qazaqstan boiynsha 150 orynda qamtamasyz etilgen. Sonymen qatar ol úidegi internet pen FWA tehnologiiasynyń bólshek segmentin damytýmen ainalysady. Onyń iri halyqaralyq jobalary arasynda "Batys – Shyǵys" talshyqty-optikalyq gipermagistraliniń qurylysy jáne halyqaralyq trafiktiń tranziti men saqtaýyna arnalǵan TIER-3 deńgeiinen tómen emes data-ortalyqtar da bar.
Aita ketsek, buǵan deiin Freedom Telecom osy saladan birneshe aktiv satyp alǵan bolatyn. Atap aitsaq, 2024 jyly qańtarda shymkenttik DITel-di (1,1 mln dollar), 2024 jyly qyrkúiekte SilkNetCom telekommýnikatsiialyq júie provaiderin (23,88 mln dollar), 2024 jyly qazanda elordada v2s jáne v2v segmentterinde telekommýnikatsiialyq qyzmetter usynýshy "Elitkom" JShS-ny (EliteCom – 3 mln dollar).
Buǵan deiin saitymyzda "Qazaqstandaǵy eń bai adam – Turlov Tramptan da aýqatty bolyp shyqty" degen maqala jariialanǵan bolatyn. Sondai-aq bizden "Jusan Bank-tiń Qazaqtelekomdaǵy óz úlesin qansha mlrd teńgege jáne kimge satqany belgili boldy" degen maqalany da oqi otyryńyzdar.
