Kásipker ári qarjyger Timýr Týrlov Reseimen at quiryǵyn kesisýge asyǵar emes. Mundai málimdemeni saiasattanýshy Talǵat Qaliev jetkizdi, dep habarlaidy Dalanews.kz.
Qaliev Facebook jelisine jariialaǵan jazbasynda Qazaqstan shahmat federatsiiasynyń kadrlyq saiasatyna nazar aýdardy.
“Qazaqstan azamattyǵyn alǵan federatsiia prezidenti Timýr Týrlov óziniń tarihi otanymen bailanysyn úzýge asyqpaidy. Federatsiianyń jai-kúii týraly aqparat bólisken derekkózder málimetinshe, barlyq kadrlyq máseleni bir adam basqarady. Máselen, Alina Dvoretskaia prezidenttiń aǵa keńesshisi bolyp taǵaiyndalǵan. Osy jerde bir túsiniksiz jaǵdai týyndaidy. Ol da - Resei azamaty. Alaida federatsiia shtatynda resmi tirkelmegen”, - dep jazdy saiasattanýshy.
Taǵy bir mysal retinde federatsiianyń baspasóz qyzmetiniń qyzmetkeri ári qashyqtan jumys isteitin Resei Federatsiiasynyń azamaty Daria Býrkovany da keltirdi. Onyń sózinshe, aýtsorsingke berilgen bos oryndardy sheteldik azamattar toltyrýda.
“Osy derekterge súiensek, shahmat federatsiiasynyń prezidenti Qazaqstanda jumysqa tyńǵylyqty qaraityn kadrlar tapshy dep boljaidy-mys, soǵan bailanysty Resei Federatsiiasynyń azamattaryn tartýdy jón sanasa kerek. Bul jaǵdaidy negizge alsaq, sheneýnik federatsiiany basqarýǵa laiyq pa, álde onyń ornyna ultjandy azamatty izdestirgen durys pa?
Týrizm jáne sport ministrliginiń logotipin medaldarǵa ornalastyrý arqyly jeke kompaniianyń PR-y úshin federatsiia resýrstaryn paidalanyp qana qoimai, uiymnyń shtatyn sheteldik kadrlarmen toltyratyn ulttyq shahmat federatsiiasynyń qyzmetin tekseretin ýaqyt kelgen joq pa?”, - dep atap ótti Qaliev.
Onyń aitýynsha, Freedom Finance pen Shahmat federatsiiasynda “reseilikterdiń basqarýyna narazy qyzmetkerler jetkilikti”.
