Qazaqstandyq CTOgram startap jobasy kapıtaldy áý basta qurǵan ınvestorlardyń úlesi satyp alynǵanyn habarlady. Osylaısha kásipker Tımýr Turlov bul jobadaǵy úlesin 41%-ǵa deıin jetkize otyryp, startegıalyq aksıoner atandy, dep habarlaıdy Dalanews.kz.
Atap aıtqanda, óz úlesterin sata otyryp, sıngapýrdyń Quest Ventures venchýrlyq qory, qazaqstandyq Most Ventures qory, sondaı-aq Dýman Moldahanov, Ádil Nurǵojın, Talǵat Ismaıl, Ánýar Seıfýllın, Oljas Jıenqul jáne Rýslan Rakymbaı syndy kásipkerler bul jobadan tolyǵymen shyqty.
Sondaı-aq, kompanıanyń negizin qalaýshy Jandos Tursynbaev ta óz úlesin ishinara satty.
"Biz CTOgram -nyń qalyptasýy men ósýine qosqan úlesi úshin eń basynda kapıtalymyzǵa qatysyp, ınvestısıa jasaǵan ınvestorlarymyzǵa rızashylyǵymyzdy bildiremiz. Olardyń 2020 jylǵy qarjylaı ári saraptamalyq qoldaýy mańyzdy sátte sheshýshi ról atqardy. Strategıalyq ınvestordyń qolyna úlesti shoǵyrlandyrý bizdiń aldymyzda keń aýqymdy jańa kókjıekterdi ashady. CTOgram Freedom Auto ekojúıesin belsendi túrde damytatyn bolady. Biz Tımýr Turlovqa eki jyldan beri jalǵasyp kele jatqan senim men nátıjeli yntymaqtastyq úshin alǵys aıtamyz", — dedi kompanıa CEO-sy Jandos Tursynbaev.
Aıta ketsek, 2023 jyly Tımýr Turlov CTOgram -ǵa 1,5 mıllıon dollar ınvestısıa saldy.
"CTOgram - bul jaı ǵana tehnologıalyq joba emes, bul - bizdiń klıentter úshin múmkindiginshe yńǵaıly jáne taza orta qalyptastyrýda quryp, damytýdy jalǵastyryp jatqan ekojúıemizdiń mańyzdy elementi. Úlesti ulǵaıtý - bul perspektıvaly kompanıaǵa salynǵan ınvestısıa ǵana emes, sonymen qatar CTOgram -nyń Freedom SuperApp arhıtektýrasyna tereńirek kirigýge baǵyttalǵan qadamy. Qazir bizdiń aldymyzda Freedom Auto aıasynda avtokólik júrgizýshileri úshin dıagnostıkadan jóndeýge, saqtandyrýdan bastap avtokólik bólshekterin satyp alýǵa deıingi aralyqty qamtıtyn bir tereze qaǵıdatyndaǵy biryńǵaı sıfrlyq marshrýt qurý mindeti tur. CTOgram bizdiń barlyq sıfrlyq platformamyzdyń damýyna serpin beretinine jáne klıentterimiz ben seriktesterimizge qosymsha qundylyq beretinine senimdimin", - dep atap ótti Tımýr Turlov.
Kompanıa mámile ınvestordyń strategıalyq senimdiligin rastaıtynyn atap ótti jáne onyń menshik qurylymyn turaqtandyrýǵa yqpal etedi, bul belsendilik kompanıanyń qanat jaıýy kezeńinde, ásirese mańyzdy.
