قازاقستاندىق CTOgram ستارتاپ جوباسى كاپيتالدى ءاۋ باستا قۇرعان ينۆەستورلاردىڭ ۇلەسى ساتىپ الىنعانىن حابارلادى. وسىلايشا كاسىپكەر تيمۋر تۇرلوۆ بۇل جوباداعى ۇلەسىن 41%-عا دەيىن جەتكىزە وتىرىپ، ستارتەگيالىق اكسيونەر اتاندى، دەپ حابارلايدى Dalanews.kz.
اتاپ ايتقاندا، ءوز ۇلەستەرىن ساتا وتىرىپ، سينگاپۋردىڭ Quest Ventures ۆەنچۋرلىق قورى، قازاقستاندىق Most Ventures قورى، سونداي-اق دۋمان مولداحانوۆ، ءادىل نۇرعوجين، تالعات يسمايل، ءانۋار سەيفۋللين، ولجاس جيەنقۇل جانە رۋسلان راكىمباي سىندى كاسىپكەرلەر بۇل جوبادان تولىعىمەن شىقتى.
سونداي-اق، كومپانيانىڭ نەگىزىن قالاۋشى جاندوس تۇرسىنبايەۆ تا ءوز ۇلەسىن ءىشىنارا ساتتى.
"ءبىز CTOgram -نىڭ قالىپتاسۋى مەن وسۋىنە قوسقان ۇلەسى ءۇشىن ەڭ باسىندا كاپيتالىمىزعا قاتىسىپ، ينۆەستيسيا جاساعان ينۆەستورلارىمىزعا ريزاشىلىعىمىزدى بىلدىرەمىز. ولاردىڭ 2020 جىلعى قارجىلاي ءارى ساراپتامالىق قولداۋى ماڭىزدى ساتتە شەشۋشى ءرول اتقاردى. ستراتەگيالىق ينۆەستوردىڭ قولىنا ۇلەستى شوعىرلاندىرۋ ءبىزدىڭ الدىمىزدا كەڭ اۋقىمدى جاڭا كوكجيەكتەردى اشادى. CTOgram Freedom Auto ەكوجۇيەسىن بەلسەندى تۇردە دامىتاتىن بولادى. ءبىز تيمۋر تۇرلوۆقا ەكى جىلدان بەرى جالعاسىپ كەلە جاتقان سەنىم مەن ناتيجەلى ىنتىماقتاستىق ءۇشىن العىس ايتامىز"، — دەدى كومپانيا CEO-سى جاندوس تۇرسىنبايەۆ.
ايتا كەتسەك، 2023 جىلى تيمۋر تۇرلوۆ CTOgram -عا 1،5 ميلليون دوللار ينۆەستيسيا سالدى.
"CTOgram - بۇل جاي عانا تەحنولوگيالىق جوبا ەمەس، بۇل - ءبىزدىڭ كليەنتتەر ءۇشىن مۇمكىندىگىنشە ىڭعايلى جانە تازا ورتا قالىپتاستىرۋدا قۇرىپ، دامىتۋدى جالعاستىرىپ جاتقان ەكوجۇيەمىزدىڭ ماڭىزدى ەلەمەنتى. ۇلەستى ۇلعايتۋ - بۇل پەرسپەكتيۆالى كومپانياعا سالىنعان ينۆەستيسيا عانا ەمەس، سونىمەن قاتار CTOgram -نىڭ Freedom SuperApp ارحيتەكتۋراسىنا تەرەڭىرەك كىرىگۋگە باعىتتالعان قادامى. ءقازىر ءبىزدىڭ الدىمىزدا Freedom Auto اياسىندا اۆتوكولىك جۇرگىزۋشىلەرى ءۇشىن دياگنوستيكادان جوندەۋگە، ساقتاندىرۋدان باستاپ اۆتوكولىك بولشەكتەرىن ساتىپ الۋعا دەيىنگى ارالىقتى قامتيتىن ءبىر تەرەزە قاعيداتىنداعى ءبىرىڭعاي سيفرلىق مارشرۋت قۇرۋ مىندەتى تۇر. CTOgram ءبىزدىڭ بارلىق سيفرلىق پلاتفورمامىزدىڭ دامۋىنا سەرپىن بەرەتىنىنە جانە كليەنتتەرىمىز بەن سەرىكتەستەرىمىزگە قوسىمشا قۇندىلىق بەرەتىنىنە سەنىمدىمىن"، - دەپ اتاپ ءوتتى تيمۋر تۇرلوۆ.
كومپانيا مامىلە ينۆەستوردىڭ ستراتەگيالىق سەنىمدىلىگىن راستايتىنىن اتاپ ءوتتى جانە ونىڭ مەنشىك قۇرىلىمىن تۇراقتاندىرۋعا ىقپال ەتەدى، بۇل بەلسەندىلىك كومپانيانىڭ قانات جايۋى كەزەڭىندە، اسىرەسە ماڭىزدى.
