Ulttyq bank basshysy Timýr Súleimenov 1,7 milliard teńge syiaqyǵa qatysty jaýap bermei, únsiz otyryp qaldy, dep habarlaidy Dalanews.kz.
2024 jyly siz bastaǵan top-menedjerler jáne direktorlar keńesi ózderine 1,7 milliard teńge syiaqy jazdyrǵan degen aqparat tarady. Dál sol jyly Ulttyq bank 355 milliard teńgege shyǵynǵa batyp jatty.
"Osyndai jaǵdaida milliardtaǵan premiia jazdyrýdyń qajeti qansha boldy?" - dep surady jýrnalist.
Alaida brifing moderatory bul taqyrypqa qatysy joq suraq dep, jýrnalistiń sózin bólip tastady.
Timýr Súleimenov te suraqqa jaýap bermei, únsiz otyryp qaldy.
"Búgin halyqtyń ál-aýqaty talqylanyp jatyr. Iaǵni halyqtyń salyǵynan úkimet músheleriniń ailyǵyn, taýyp otyrǵan tabysyn bilýge mindetti. Sondyqtan Ulttyq bank tóraǵasy azamattyq tanytyp, jaýap beredi dep kútemin", - dedi jýrnalist.
Alaida Súleimenov bul joly da únsiz qaldy.
