Elbasynyń «Bolashaqqa baǵdar: rýhani jańǵyrý» baǵdarlamalyq maqalasy sheńberinde atqarylyp jatqan jumystardy saralaǵan ol «Esimhan tóbege» kóńil bólinetinin aitty.
«Esimhan tóbe» arheologiialyq eskertkish Sairamsý ózeniniń oń jaǵasynda ornalasqan. «Dáýittóbe» qalashyǵyna 2006 jyly Túrkistan oblysy ákimdiginiń «Tarihi mádeni murany qorǵaý, qalpyna keltirý jáne paidalaný jónindegi ortalyǵy» MKQK zertteý júrgizgen. Kóne qalashyq týraly derekter Á.H.Marǵulan atyndaǵy Arheologiia institýtynda saqtaýly. Ǵalymdardyń boljamy boiynsha «Esimhan tóbe» XIV-XVIII ǵǵ. salynǵan.
J.Túimebaev jumys saparynda taý eteginde qazaqtyń bileri týraly 10 seriialy kórkem filminiń túsirilim barysyn kórdi. Oblys ákimdiginiń qoldaýymen «Saq» kinostýdiiasy qolǵa alǵan bul film jastardy otansúigishtikke tárbieleidi. Filmde Tóle bi jáne ózge de bi-sheshenderimizdiń qairatkerligi kórsetilmek.
Óńir basshysy «Osyndai kórikti mekenderde etnoaýyldardy kóbeitý kerek. Tabiǵaty keremet jerde jurt demalyp qana qoimai, tarihymen tanysady. Jaqynda arab tarihshylarynyń biri jazǵan derekti oqydym. Onda túrik áskerleri óte aibyndy ári batyr ekeni aitylady. Biz óz tulǵalarymyzdy, batyrlarymyzdy, bilerimizdi jas urpaqqa dáripteýimiz kerek. Óz tarihy týraly áserli filmderdi kórip ósken urpaq ultymen maqtan tutatyn bolady. Túsirilip jatqan filmde ultymyzydyń ulaǵatty tulǵalary, halqymyzdyń salt-dástúri, batyrlyǵy, sheshendik óneri, jaýyngerligi kórsetiledi. Mine, bul Elbasymyzdyń «rýhani jańǵyrý» baǵdarlamasymen úilesedi" dep, túsirilim tobynyń jumysyna sáttilik tiledi.
Túrkistan oblysy ákiminiń baspasóz qyzmeti
