Tútinniń kesirinen densaýlyǵy syr bergen óskemendikterge ótemaqy berilýi múmkin, dep habarlaıdy Dalanews.kz.
Mundaı usynysty senator Olga Býlavkına jasaǵan. Ol parlamentte Shyǵys Qazaqstan oblysynyń atynan ókildik etedi. Onyń sózinshe, aqshalaı ótemaqy mindetti túrde qajet jáne bul tek óskemendikterge ǵana emes, Almaty jáne ózge de qala turǵyndaryna qatysty bolýy kerek.
Ol keńes zamanynda bul tájirıbe bolǵanyn, endi sondaı ótemaqylardy qaıtadan berýdi qolǵa alý keregin aıtty. Usynys boıynsha ótemaqy mólsherin memlekettik organdar belgilep, halyqtyń densaýlyǵy, lastaný deńgeıi men aımaqtardyń erekshelikteri eskerilýi kerek.
"Men ol aımaqta uzaq ýaqyt boıy ómir súrdim, qazir onda meniń otbasym, dostarym men jaqyndarym turady. Ókinishke qaraı, kóbiniń densaýlyǵy da syr bere bastaǵan. Bul ekologıalyq jaǵdaımen baılanysty dep oılaımyn. Jaǵdaı rasynda qıyn, tamaqtyń aýyrýy, jótel, adamdardyń jıi aýyrýy bar, keıbiriniń ımýnıteti onsyz da álsiz. Jyl saıyn aýyrady dep aıtýǵa bolady. Jaǵdaı retteledi dep úmittenemin", deıdi senator.
