Búginde taýly aımaqqa baratyn joldar jóndelip, tabıǵatymen erekshe aýdanǵa ishki týrızmdi aıtpaǵanda, alys-jaqyn shetelderden qonaqtar aǵylyp kelýde.
2023 jyldyń 9 aıynda 31884 demalýshy kelip, 691,2 mln teńgege qyzmet kórsetilgen.
Aýdanda demalýshylarǵa qyzmet kórsetetin oryndar sany 140 birlikke jetip, týrızm salasyn ekonomıkanyń negizgi draıverine aınaldyrýy baǵytynda jobalar júzege asýda.
Týrızm salasyn odan ári damytý maqsatynda jyl basynan quny 3,6 mlrd teńgege 7 týrısik nysandar ashyldy.
Atap aıtsaq, «ALMA-TAU» taý kýrortynda quny 2 mlrd teńgege baǵalanyp otyrǵan qonaq úı jáne sport kesheni ashylyp, munda 30 adam jumyspen qamtylǵan. Al Nysanbek eldi mekeninde quny 240 mln teńgeni quraıtyn jeke kásipker G.Faızıevanyń demalys orny, sonymen qatar Qasqasý aýyl okrýginde «Kishi Eýropa» demalys aımaǵy men Aqmeshit shatqalynda K.Ysqaqovtyń demalys aımaǵy ashyldy.
Taǵy bir aıta ketetin joba Zertas aýyl okrýginde jeke kásipker K.Qojamjarova saýmalmen saýyqtyrý ortalyǵyn iske qosty. 10 adam turaqty jumyspen qamtylǵan.
Sondaı-aq, Alataý aýyl okrýginde jeke kásipker H.Nazarovanyń demalys orny ashylǵan. Búgingi tańda Qoǵaly aýyldyq okrýginde quny 50 mln teńgege saýmalmen emdeý ortalyǵy iske qosyldy. Keshende táýligine 20 adam em alýda.
Odan ózge jyl aıaǵyna deıin Qasqasý aýyl okrýginde jeke kásipker M.Kúmisovtyń quny 150 mln teńge bolatyn demalys aımaǵy ashylady dep kútilýde.
Sondaı-aq 2025 jylǵa deıin osy salada quny 4,5 mlrd. teńge bolatyn 10 jobany (demalys aımaqtary, qonaq úı men sport kompleks, ońaltý-saýyqtyrý ortalyǵy) iske asyrý josparlanýda.
Nátıjesinde kelýshi týrıser sanyn 55 myń adamǵa jetkizý kózdelip otyr.
