بٷگٸندە تاۋلى ايماققا باراتىن جولدار جٶندەلٸپ, تابيعاتىمەن ەرەكشە اۋدانعا ٸشكٸ تۋريزمدٸ ايتپاعاندا, الىس-جاقىن شەتەلدەردەن قوناقتار اعىلىپ كەلۋدە.
2023 جىلدىڭ 9 ايىندا 31884 دەمالۋشى كەلٸپ, 691,2 ملن تەڭگەگە قىزمەت كٶرسەتٸلگەن.
اۋداندا دەمالۋشىلارعا قىزمەت كٶرسەتەتٸن ورىندار سانى 140 بٸرلٸككە جەتٸپ, تۋريزم سالاسىن ەكونوميكانىڭ نەگٸزگٸ درايۆەرٸنە اينالدىرۋى باعىتىندا جوبالار جٷزەگە اسۋدا.
تۋريزم سالاسىن ودان ەرٸ دامىتۋ ماقساتىندا جىل باسىنان قۇنى 3,6 ملرد تەڭگەگە 7 تۋريستٸك نىساندار اشىلدى.
اتاپ ايتساق, «ALMA-TAU» تاۋ كۋرورتىندا قۇنى 2 ملرد تەڭگەگە باعالانىپ وتىرعان قوناق ٷي جەنە سپورت كەشەنٸ اشىلىپ, مۇندا 30 ادام جۇمىسپەن قامتىلعان. ال نىسانبەك ەلدٸ مەكەنٸندە قۇنى 240 ملن تەڭگەنٸ قۇرايتىن جەكە كەسٸپكەر گ.فايزيەۆانىڭ دەمالىس ورنى, سونىمەن قاتار قاسقاسۋ اۋىل وكرۋگٸندە «كٸشٸ ەۋروپا» دەمالىس ايماعى مەن اقمەشٸت شاتقالىندا ك.ىسقاقوۆتىڭ دەمالىس ايماعى اشىلدى.
تاعى بٸر ايتا كەتەتٸن جوبا زەرتاس اۋىل وكرۋگٸندە جەكە كەسٸپكەر ك.قوجامجاروۆا ساۋمالمەن ساۋىقتىرۋ ورتالىعىن ٸسكە قوستى. 10 ادام تۇراقتى جۇمىسپەن قامتىلعان.
سونداي-اق, الاتاۋ اۋىل وكرۋگٸندە جەكە كەسٸپكەر ح.نازاروۆانىڭ دەمالىس ورنى اشىلعان. بٷگٸنگٸ تاڭدا قوعالى اۋىلدىق وكرۋگٸندە قۇنى 50 ملن تەڭگەگە ساۋمالمەن ەمدەۋ ورتالىعى ٸسكە قوسىلدى. كەشەندە تەۋلٸگٸنە 20 ادام ەم الۋدا.
ودان ٶزگە جىل اياعىنا دەيٸن قاسقاسۋ اۋىل وكرۋگٸندە جەكە كەسٸپكەر م.كٷمٸسوۆتىڭ قۇنى 150 ملن تەڭگە بولاتىن دەمالىس ايماعى اشىلادى دەپ كٷتٸلۋدە.
سونداي-اق 2025 جىلعا دەيٸن وسى سالادا قۇنى 4,5 ملرد. تەڭگە بولاتىن 10 جوبانى (دەمالىس ايماقتارى, قوناق ٷي مەن سپورت كومپلەكس, وڭالتۋ-ساۋىقتىرۋ ورتالىعى) ٸسكە اسىرۋ جوسپارلانۋدا.
نەتيجەسٸندە كەلۋشٸ تۋريستەر سانىن 55 مىڭ ادامعا جەتكٸزۋ كٶزدەلٸپ وتىر.
