2025 jylǵy 17 naýryzda Almaty oblysynda Qytai Halyq Respýblikasynyń Hýnan provintsiiasy men Almaty oblysy arasyndaǵy týristik jáne investitsiialyq yntymaqtastyqty damytýǵa arnalǵan roýd-shoý ótti. Is-sharaǵa eki óńirdiń memlekettik organdarynyń ókilderi, iskerlik orta men týristik indýstriia mamandary qatysty,- dep habarlaidy Dalanews.kz
Qytai delegatsiiasynyń jetekshisi, Hýnan provintsiiasy Mádeniet jáne týrizm basqarmasynyń ilgeriletý, kommýnikatsiia jáne halyqaralyq yntymaqtastyq bóliminiń basshysy Siao Chjenhý myrza jáne Almaty oblysy Týrizm basqarmasynyń basshysy Mirambekuly Qýanyshbek quttyqtaý sóz sóiledi.
Óz sózderinde olar ekijaqty yntymaqtastyqty nyǵaitýdyń mańyzdylyǵyn, týrizm salasyndaǵy birlesken jobalardy damytýdy jáne investitsiia tartýdy atap ótti. Is-sharanyń negizgi bóliminde Hýnan provintsiiasynyń týristik áleýeti tanystyryldy. Qatysýshylar óńirdiń tabiǵi jáne mádeni kórikti jerleri týraly beinematerialdarmen tanysty. Hýnan provintsiiasy Mádeniet jáne týrizm basqarmasynyń ókilderi negizgi týristik baǵyttardy egjei-tegjeili usyndy, onyń ishinde Chjantsziatsze ulttyq parki, Avatar taý silemi, Fenhýan ejelgi qalasy jáne Dýntin kóli bar.
Iian qalasynyń tarihi jáne mádeni muralarymen tanymal týristik marshrýttaryna erekshe nazar aýdaryldy. «Hýnan áýejailary» kompaniialar tobynyń ókilderi provintsiianyń eń iri aviatsiialyq haby bolyp tabylatyn Chansha halyqaralyq áýejaiynyń infraqurylymdyq múmkindikterin tanystyrdy. Qazaqstandyq tarap Almaty oblysynyń týristik áleýetin usyndy. Óńirdiń Týristik aqparattyq ortalyǵy direktorynyń orynbasary Qairat Sadyq oblystyń tabiǵi kórikti jerleri, sonyń ishinde Sharyn shatqaly men Kólsai kólderi týraly, sondai-aq týristik salany memlekettik qoldaý sharalary jaily baiandama jasady.
Is-shara barysynda Almaty oblysynyń investitsiialyq áleýeti de tanystyryldy. Qatysýshylarǵa týristik infraqurylym, qonaq úi biznesi jáne týristik klasterler qurý salasyndaǵy perspektivaly jobalar usynyldy. Kóliktik qoljetimdilik máselelerine, sonyń ishinde Qazaqstan men Qytai arasyndaǵy áýe qatynasyn damytý perspektivalaryna erekshe nazar aýdaryldy. SCAT áýe kompaniiasynyń ókilderi eki óńir arasyndaǵy týristik aǵyndy arttyrýǵa yqpal ete alatyn qoldanystaǵy jáne josparlanǵan baǵyttar týraly baiandady.
Roýd-shoý aiasynda týrizm salasyndaǵy ekijaqty yntymaqtastyqty damytý, birlesken investitsiialyq jobalardy iske asyrý jáne mádeni almasý máseleleri talqylandy. Hýnan provintsiiasy men Almaty oblysynyń roýd-shoýy seriktestik qatynastardy nyǵaitý jolyndaǵy mańyzdy qadam boldy.
Eki taraptyń ókilderi birlesken bastamalardy odan ári damytýǵa, týristik almasýdy keńeitýge jáne eki óńir ekonomikasyna investitsiialar tartýǵa daiyndyǵyn bildirdi. Is-shara qatysýshylarǵa Hýnan provintsiiasy men Almaty oblysynyń áleýetimen tanysýǵa ǵana emes, sonymen qatar ózara tiimdi naqty jobalardy júzege asyrýǵa alyp kelýi múmkin jańa iskerlik bailanystar ornatýǵa múmkindik berdi.
