Kollaj: Dalanews.kz
Ánshi Roza Rymbaeva men depýtat Dáýlet Turlyhanovty aldap ketken kásipker sottaldy, - dep habarlaidy Dalanews.kz Nege.aqsha-ǵa siltep.
Ánshi Roza Rymbaeva men depýtat Dáýlet Turlyhanovty aldap ketken kásipker sottaldy, - dep habarlaidy Dalanews.kz Nege.aqsha-ǵa siltep.
63 jastaǵy kásipker Serik Bekqaiyrov asyl tuqymdy jylqylar men avtomobilderdi satýmen ainalysqan. Kásipker alaiaqtyqtyń 4 epizody boiynsha 6 jyl, 8 ai merzimge sottaldy. Eki epizod boiynsha zardap shekken - ánshi Roza Rymbaeva men depýtat Dáýlet Turlyhanov.
Qylmystyq istiń materialdaryna sáikes, 2013 jyly jazda Bekqaiyrov Turlyhanovqa kelip, asfalt-beton zaýytyn salýǵa 1,2 million dollar suraǵan. Kásipker Turlyhanovqa zaýyttyń jartysyn beretinin aitqan. Depýtat suraǵan aqshasyn berip, kelisken.
Alaida sotta aiyptalýshy Turlyhanovty 1989 jyldan beri tanitynyn, ekeýi kórshi bolǵanyn, biraq depýtattan eshqandai aqsha almaǵanyn aitqan. Sotta kásipker qazir eshkim bireýge 1,2 million dollardy jaidan jai bere almaitynyn atap ótken.
"Tergeý izoliatorynda otyrǵan kezimde eki tergeýshi men Turlyhanovtyń adamdary kelip, 2 million dollar talap etip, qorqytty. Bul epizod boiynsha aiyptaý oidan shyǵarylǵan. Dáýlet Turlyhanovtyń tarapynan qorqytyp, úrkitý áli júrip jatyr", - deidi sotta Bekqaiyrov.
Kásipker Roza Rymbaevany da aldamaǵanyn aitady. Serik Bekqaiyrovtyń sózinshe, 2017 jyly Rymbaevamen tanysyp, Almatydaǵy páterin 400 myń dollarǵa satyp alǵan. Kásipker mundai aqsha qolma-qol bolmaǵandyqtan ánshimen úsh jylǵa bólip tóleý úshin notariýspen kelisim jasaǵan eken. Bul ýaqyt aralyǵynda kásipker tek 205 000 dollaryn tólei alǵan. Qalǵan somasyn tólei almaǵan, sebebi 2020 jyly pandemiia bastalǵan, saldarynan kásibi toqtap qalǵan. Qazir páterdiń taǵdyry ne bolǵany belgisiz. Alaida tergeý málimetteri boiynsha, Bekqaiyrov ony satyp, aqshasyn jumsap jibergen.
Aiyp taǵylǵan kásipker taǵy eki adamdy aldaǵan. Bireýimen 2019 jyly tanysyp, 70 myń dollar berse energetika ministrligi arqyly elektrenergiiasyn tiimdi baǵada alyp berýge ýáde bergen. Al tórtinshi epizod boiynsha zardap shekken adamnan 75 myń dollarǵa kóligin satyp alyp, aqshasyn keiin beretinin aitqan. Bul oqiǵa 2020 jyly bolǵan. Alaida kásipker kinásin moiyndamaǵan.
Sot aiyptalýshynyń dálelderin qabyldamai, aiyptaý úkimin shyǵarǵan. Kásipker Turlyhanovqa - 533 748 000 teńge, Rymbaevaǵa 91 181 950 teńge, qalǵan eki jábirlenýshige 31-33 million teńge óteýge mindetteldi.
