Túrkıanyń astanasy Ankarada jer silkindi. Qalanyń keıbir aýdandarynda turǵyndar úreılenip, ǵımarattardan dalaǵa júgirip shyqqan, dep habarlaıdy Dalanews.kz.
Jer silkinisiniń magnıtýdasy 4,1 bolǵan. Mamandar mundaı kórsetkishti seziletin jer silkinisi dep baǵalaıdy.
Jergilikti seısmologtardyń málimetinshe, jerasty dúmpýleri Ankaranyń ońtústiginde ornalasqan Haımana provınsıasynda tirkelgen.
Jer silkinisiniń oshaǵy 7,74 shaqyrym tereńdikte ornalasqan. Ázirge zardap shekkender men qıraǵan nysandar týraly aqparat túsken joq. Bılik pen tótenshe jaǵdaı qyzmetteri jaǵdaıdy baqylaýda ustap otyr.
