Túrkiianyń monopoliiaǵa qarsy agenttigi Kaspi.kz aktsionerlik qoǵamynyń túrik elektrondyq kommertsiia platformalarynyń biri – Hepsiburada-ny satyp alý jónindegi kelisimin maquldady. Bul týraly 19 qarashada Turkiye Today jergilikti basylymy jazdy, dep habarlaidy Dalanews.kz.
"Kelisim buryn Hanzada Doǵanǵa tiesili Hepsiburada-nyń 65,41% baqylaýshy aktsiiasyn ekinshi qolǵa ótkizýdi qarastyrady", delingen basylymda.
Eske sala ketsek, Kaspi.kz kompaniiasy 2024 jyldyń 18 qazanynda Hepsiburada-nyń 65,41% aktsiiasyn satyp alý týraly kelisimge kelgenin jariialaǵan bolatyn. Sol kezde Túrkiianyń retteýshi organdary oń sheshimin alǵan jaǵdaida kelisimdi 2025 jyldyń I toqsanynyń sońyna qarai aiaqtaý múmkin bolatyny aitylǵan. Kelisim sharttaryna sáikes, tólem eki transh boiynsha júrgizilmek: Kaspi.kz mámileni jabý kezinde 600 mln dollar, al qalǵan 526,9 mln dollardy alty ai ishinde tóleidi.
