«Zaman» gazeti óz habarynda Ulybritaniianyń ishki barlaý uiymy málimetterindegi Ankaradaǵy birsypyra joǵarǵy laýazymdy sheneýnikterdiń telefon suhbattary men kilt sóz qoiylǵan elektrondy hattaryna qol jetkizgen. Onda Túrkiia Úkimetiniń joǵarǵy laýazymdy sheneýnikteri memlekettik jáne jekemenshik organdardy qarsylastardan tazartý úshin jospar quryp, áskeri tóńkeris uiymdastyrǵandyǵy aitylady.
Al Túrkiia Prezidenti tóńkeristi – AQSh-ta turyp jatqan túrik dissidenti, dini aǵartýshy Fethýllah Gúlen men onyń jaqtastary uiymdastyrdy dep málimdegen. Tipti, Erdoǵan resmi túrde AQSh biligine shaǵymdanyp, Fethýllah Gúlendi Túrkiiaǵa ekstraditsiialaýdy suraǵan.
Tipti reseilik Eýraziia arnasy materialynda reseilik SÝ-24 ushaǵyn Gúlenniń jaqtastary atyp túsirgendigi de aiyldy.
Al batystyq telearnalarǵa suhbat bergen Fethýllah Gúlen Prezident Erdoǵannyń sózin teriske shyǵarǵan.
«Men 15 jyldan beri osynda, AQSh-ta turyp kelemin. Ondaǵy biliktegi kóp adamdardy tanymaimyn da. Men Túrkiiada bolǵan kezde tanityn adamdar qazir bilikten ketken. Sondyqtan Túrkiiadaǵy teraktini men uiymdastyrdy deý qisynsyz. Al meni ekstraditsiialaýǵa keletin bolsaq, bul talap osyǵan deiin birneshe márte qoiylǵan. Qurmetti Obama myrza eger meni Túrkiiaǵa jiberemin, dese men baramyn. Onda turǵan eshteńe joq»,-dep jaýap qatqan-tyn.
Osydan keiin, Túrkiia Prezidentiniń qalaýymen Ankara Qyrǵyzstannan eldegi túrik litseilerin jabýdy suraǵan.
Buǵan Qyrǵyzstan Respýblikasy SIM resmi málimdeme jasap, «Qaisybir eldiń syrtqy ister ministriniń, ýltimatým jáne bopsalaý tilimen, ózge bir memleketke ne isteý kerektigin nusqaý – dórekilik»,-dep jaýap qaitarǵan.
Túrik litseilerin jabý máselesi qazaq qoǵamynda da birneshe márte kóterilgenimen Erdoǵan talaby ázirge qanaǵattandyrylǵan joq.
Sonymen Erdoǵannyń Gúlenmen aradaǵy aiqasy áli jalǵasyp keledi. Bir kezderi ainymas dos, aǵa men ini, ustaz ben shákirt bolǵan ekeýdiń eregesi endi Halyqaralyq sipat alyp barady. Joǵarydaǵy aqparattardyń aýanyna sensek, Túrkiiadaǵy tóńkeristi Erdoǵan ózi uiymdastyrǵan bolýy múmkin.
Nurgeldi Ábdiǵaniuly
Abai.kz
