Ony Túrkiia músin óneriniń aitýly zertteýshisi, belgili telejýrnalist qyzmetin atqarǵan músinshi, sheber Shýle Namukqyzy Zeibek hanym qaladaǵy «Tóbebashy» aýdany ákimdiginiń qoldaýymen uiymdastyrdy.
Eskertkish músinniń ashylýynda Túrkiianyń mádenieti men ónerine airyqsha úles qosqan mádeniet ministriniń qyzmetin atqarǵan professor Namuk Kemal Zeibek, Ystanbuldaǵy Qazaqstan mádeniet jáne saýda ortalyǵynyń basshysy, Dúniejúzi qazaqtary qaýymdastyǵynyń ókili, Qazaqstannyń eńbek sińirgen qairatkeri Erjan Ýáiis quttyqtaý sóz sóiledi.
Túrki qaǵanaty dáýirlerindegi eksponat beineleri, tarihi kezeńderdegi dúnieler búgingi Túrik dúniesin barsha álemge pash etedi. Kúltegin (kóne túrki tili – 685-731jj) Shyǵys Túrik qaǵanaty memelekettik qairatkeri, Bilge qaǵannyń keńesshisi, saiasi jáne áskeri qolbasshy, Bilge qaǵannyń teń bileýshisi, Qutlyq, Elteris qaǵannyń ekinshi uly, Bilge qaǵannyń (Mogilian) týǵan inisi. Ekinshi Shyǵys Túrik qaǵanatynyń áskeri bas qolbasshysy, «Kók Túriktiń kók semseri» atanǵan batyr.
Ákesi Qutylyǵ (Elteris) qaǵan ekinshi Shyǵys Túrik qaǵanatynyń irgesin qalap, shańyraǵyn kóterse, artynda qalǵan eki balasy: úlkeni Bilge qaǵany el bastap, kishisi Kúltegini qol bastap, sol qaǵanattyń aibynyn asyryp, mereiin tasytty. Kúltegin rýhyna búkil Túrki jurty taǵyzym etedi. Basyna el tarihyn jazyp, eskertkish ornatty.
Sharany uiymdastyrǵan mádeniet tanýshy Shýle Namukqyzyna Mádeniet qairatkeri Erjan Ýáiis Qazaqstannan Túrkistannan arnaiy aldyrylǵan Qazaq kamzolyn kigizdi. Óner tanýshy Shýle hanym Túrki álemindegi mádeniet pen ónerdiń joqtaýshysy, janashyry, professor Namuk Kemal Zaibektiń qyzy.
Namuk Zeibek memleket qairatkeri, mádeniet ministri, Túrkistandaǵy Qoja Ahmet Iassaýi Qazaq-Túrik halyqaralyq ýniversitettiń negizin qalaýshylardyń biri.
Akademik Murat Jurynovpen teń tóraǵa qyzmetin atqardy. Túrkiia memleketiniń 100 jyldyǵyna orai uiymdastyrlyp otarǵan kórme Anadoly eliniń basqa aimaqtarynda ótetin bolady. Jaz aiynda Ystanbul qalasynda ótken kórmeniń kýási boldyq.
Sharanyń ashlýyna Túrkiianyń ziialy qaýym ókilderi, mádeniet qairatkerleri, JS Holding tóraǵa orynbasary Áli Ilmaz qatysty.
Áigili Kúltegin esimi máńgi jasaidy!
Erjan Ýáiis, Qazaqstannyń eńbek sińirgen qairatkeri
