انادولى ەلىنىڭ ەسكىشاھير قالاسىندا تۇركى قاعاناتى ءداۋىرىنىڭ قايراتكەرى كۇلتەگىننىڭ تەمىر قاپتامالارمەن جاسالعان ەسكەرتكىش ءمۇسىنىنىڭ اشىلۋ شاراسى ءوتتى.

ونى تۇركيا ءمۇسىن ونەرىنىڭ ايتۋلى زەرتتەۋشىسى، بەلگىلى تەلەجۋرناليست قىزمەتىن اتقارعان ءمۇسىنشى، شەبەر شۋلە نامۇك قىزى زەيبەك حانىم قالاداعى «توبەباشى» اۋدانى اكىمدىگىنىڭ قولداۋىمەن ۇيىمداستىردى.

ەسكەرتكىش ءمۇسىننىڭ اشىلۋىندا تۇركيانىڭ مادەنيەتى مەن ونەرىنە ايرىقشا ۇلەس قوسقان مادەنيەت ءمينيسترىنىڭ قىزمەتىن اتقارعان پروفەسسور نامۇك كەمال زەيبەك، ىستانبۇلداعى قازاقستان مادەنيەت جانە ساۋدا ورتالىعىنىڭ باسشىسى، دۇنيەجۇزى قازاقتارى قاۋىمداستىعىنىڭ وكىلى، قازاقستاننىڭ ەڭبەك سىڭىرگەن قايراتكەرى ەرجان ءۋايىس قۇتتىقتاۋ ءسوز سويلەدى.
تۇركى قاعاناتى داۋىرلەرىندەگى ەكسپونات بەينەلەرى، تاريحي كەزەڭدەردەگى دۇنيەلەر بۇگىنگى تۇرىك دۇنيەسىن بارشا الەمگە پاش ەتەدى. كۇلتەگىن (كونە تۇركى ءتىلى – 685-731جج) شىعىس تۇرىك قاعاناتى مەمەلەكەتتىك قايراتكەرى، بىلگە قاعاننىڭ كەڭەسشىسى، ساياسي جانە اسكەري قولباسشى، بىلگە قاعاننىڭ تەڭ بيلەۋشىسى، قۇتلىق، ەلتەرىس قاعاننىڭ ەكىنشى ۇلى، بىلگە قاعاننىڭ (موگيليان) تۋعان ءىنىسى. ەكىنشى شىعىس تۇرىك قاعاناتىنىڭ اسكەري باس قولباسشىسى، «كوك تۇرىكتىڭ كوك سەمسەرى» اتانعان باتىر.

اكەسى قۇتىلىع (ەلتەرىس) قاعان ەكىنشى شىعىس تۇرىك قاعاناتىنىڭ ىرگەسىن قالاپ، شاڭىراعىن كوتەرسە، ارتىندا قالعان ەكى بالاسى: ۇلكەنى بىلگە قاعانى ەل باستاپ، كىشىسى كۇلتەگىنى قول باستاپ، سول قاعاناتتىڭ ايبىنىن اسىرىپ، مەرەيىن تاسىتتى. كۇلتەگىن رۋحىنا بۇكىل تۇركى جۇرتى تاعىزىم ەتەدى. باسىنا ەل تاريحىن جازىپ، ەسكەرتكىش ورناتتى.

سول ەسكەرتكىشتىڭ عىلىمي كوشىرمەسى بۇل كۇندە قازاقستاندا استاناداعى ەۆرازيا ۇلتتىق ۋنيۆەرسيتەتىنىڭ باس عيماراتىنىڭ تورىندە تۇر.

شارانى ۇيىمداستىرعان مادەنيەت تانۋشى شۋلە نامۇكقىزىنا مادەنيەت قايراتكەرى ەرجان ءۋايىس قازاقستاننان تۇركىستاننان ارنايى الدىرىلعان قازاق كامزولىن كيگىزدى. ونەر تانۋشى شۋلە حانىم تۇركى الەمىندەگى مادەنيەت پەن ونەردىڭ جوقتاۋشىسى، جاناشىرى، پروفەسسور نامۇك كەمال زايبەكتىڭ قىزى.
نامۇك زەيبەك مەملەكەت قايراتكەرى، مادەنيەت ءمينيسترى، تۇركىستانداعى قوجا احمەت ياسساۋي قازاق-تۇرىك حالىقارالىق ۋنيۆەرسيتەتتىڭ نەگىزىن قالاۋشىلاردىڭ ءبىرى.

اكادەميك مۇرات جۇرىنوۆپەن تەڭ ءتوراعا قىزمەتىن اتقاردى. تۇركيا مەملەكەتىنىڭ 100 جىلدىعىنا وراي ۇيىمداستىرلىپ وتارعان كورمە انادولى ەلىنىڭ باسقا ايماقتارىندا وتەتىن بولادى. جاز ايىندا ىستانبۇل قالاسىندا وتكەن كورمەنىڭ كۋاسى بولدىق.

شارانىڭ اشلۋىنا تۇركيانىڭ زيالى قاۋىم وكىلدەرى، مادەنيەت قايراتكەرلەرى، JS Holding ءتوراعا ورىنباسارى ءالي يلماز قاتىستى.
ايگىلى كۇلتەگىن ەسىمى ماڭگى جاسايدى!

ەرجان ءۋايىس، قازاقستاننىڭ ەڭبەك سىڭىرگەن قايراتكەرى